影片
更多
2021-05-05
386 浏览
❀ 迪士尼皇室宴会厅 #大屿山 ❀❗️迪士尼新推出皇室佳酿美食节 打卡一流味道有惊喜❗️——————————————————以前去迪士尼好少帮衬佢哋嘅餐厅，觉得多数又贵又唔好食，但最近佢哋推出左崭新嘅「皇室佳酿美食节」✨采取代币形式，一个金币换取一碟食物，有少少似food court嘅感觉，但卖相用心你摆咗唔少迪士尼嘅元素，绝对吸引大人细路嘅眼球😍另外食物质素出乎意料地比想像中高，当中包括获奖嘅环球美食、分子料理等等。由而家起至6 月 27 日逢星期五至日及公众假期都可以享用，大家快啲去迪士尼又玩又食啦！.想食嘅朋友可以预先喺网上以早鸟优惠购买美食节电子代币，每五个$200咁购买，仲可获赠限定唐老鸭主题纪念品😆而且迪士尼「奇妙梦想城堡」仲刚刚正式启动，13个城堡塔分别代表着13个经典迪士尼公主、女王嘅故事，几有特色！最正系而家冇乜游客，当日五一去到，最耐都只系排大约20分钟队，好快可以玩晒所有机动游戏🤩。.✷𝑀𝑒𝓃𝓊✷☞ 皇室佳酿美食节 $200/五个代币分别有唔同嘅区域，每一个代币可以换一款美食、甜品及非酒精饮品，而酒精类饮品就需要两个代币。大部份都混入咗迪士尼卡通人物嘅元素，非常iga
❗️迪士尼新推出皇室佳酿美食节 打卡一流味道有惊喜❗️
——————————————————
以前去迪士尼好少帮衬佢哋嘅餐厅，觉得多数又贵又唔好食，但最近佢哋推出左崭新嘅「皇室佳酿美食节」✨采取代币形式，一个金币换取一碟食物，有少少似food court嘅感觉，但卖相用心你摆咗唔少迪士尼嘅元素，绝对吸引大人细路嘅眼球😍另外食物质素出乎意料地比想像中高，当中包括获奖嘅环球美食、分子料理等等。由而家起至6 月 27 日逢星期五至日及公众假期都可以享用，大家快啲去迪士尼又玩又食啦！
.
想食嘅朋友可以预先喺网上以早鸟优惠购买美食节电子代币，每五个$200咁购买，仲可获赠限定唐老鸭主题纪念品😆而且迪士尼「奇妙梦想城堡」仲刚刚正式启动，13个城堡塔分别代表着13个经典迪士尼公主、女王嘅故事，几有特色！最正系而家冇乜游客，当日五一去到，最耐都只系排大约20分钟队，好快可以玩晒所有机动游戏🤩。
.
✷𝑀𝑒𝓃𝓊✷
☞ 皇室佳酿美食节 $200/五个代币
分别有唔同嘅区域，每一个代币可以换一款美食、甜品及非酒精饮品，而酒精类饮品就需要两个代币。大部份都混入咗迪士尼卡通人物嘅元素，非常igable，小朋友实钟意🥰！
.
♥ 得奖名菜厨房
包含咗迪士尼乐园各个星级主厨嘅获奖菜式，系咁多个区域当中我最喜爱，又睇得又好味🥳！
✦「海鲜柚子沙巴翁」 (HOFEX Two to Tango – May 2015 (Silver Award)获奖菜式)
将意大利特色甜品沙巴翁变身成咸食，加入青口、大虾等等海鲜，有种浓郁鲜甜龙虾汤嘅味道，仲加埋运用分子料理整成鱼子形嘅柚子酱！
✦ 「烩川辣牛肉酥盒」(Angliss Culinary Professional Chefs Challenge – June, 2015, Singapore (High Silver Award)获奖菜式)
酥盒造成米奇形状米奇形状嘅，分别有充满麻辣香气嘅牛肉粒、香甜南瓜蓉、香滑薯蓉。又睇得又惹味！
.
♥ 环球美食专区专区
另一主菜区域之选😆有意粉、kebab、各种肉食，主打卖点有超过 1 米的芝士喷泉、用芝士王 - 帕马森干酪(Parmigiano-Reggiano) 即场制作卡邦尼意粉，钟意芝士嘅就啱晒🧀不过当日费事食得咁肥腻，所以就拣咗其他肉类。
✦ 鸡肉kebab
呢个算系咁多款中相对逊色，同一般嘅土耳其kebab完全唔同，用上印度薄饼制作，里面加入左鸡肉、洋葱、蕃茄等等。唔难食，不过同想像中有出入。
✦ 美式烧西冷
呢个烧西冷反而几有惊喜，冇谂过迪士尼乐园入面嘅烧西冷都有酒店水准！
切开粉嫩色，咬落去比想像中腍！
✦ 鸡肉沙爹串烧
好钟意佢嘅沙嗲酱，系非常香花生味𠮶种印尼沙嗲酱！只系略嫌鸡肉鞋咗啲。
.
♥ 分子甜品料理厨房
呢个绝对系咁多个区域当中最吸睛😍每份甜品都非常精美，而且又估你唔到嘅口感同味道！
✦ 朱古力森林杯
玩转黑森林蛋糕🍫用海绵朱古力蛋糕作底，加上运用分子料理方法处理覆盆子果酱，制作成一个薄膜，包裹著乳酪奶油~ 朱古力味够晒香浓，配上酸酸甜甜嘅覆盆子，既打卡又好味。
.
♥ 甜品专区
除咗分子料理嘅甜品之外，亦有用上迪士尼卡通整成嘅甜品🍰每款各有特色及味道。
✦ 米妮
用上米妮经典粉红色波点整成嘅红丝绒白朱古力慕丝蛋糕！内里再夹杂少许覆盆子酱，比想像中出色，层次非常分明。唯独系白朱古力会有少少甜。
✦ 米奇
呢款系榛子朱古力蛋糕，底下仲有香脆饼底，够晒浓郁，经典美味！
.
♥ 冷盘及沙律专区
如果想食得清淡啲都有呢个沙律冷盘专区🥗包括挪威香草三文鱼、意大利风干火腿配哈蜜瓜、鲜杂菜盘配自家制酱汁，不过我自己觉得相对上冇咁抵食，所以就冇试到。
.
♥ 饮品
最后仲有个饮品专区🥂分别有各地美酒、特色鸡尾酒、本地手工啤酒、果汁等等。
不过当时我哋都自己有带饮品，所以就悭返啲代币食野算。
——————————————————
✨整体味道: 4/5
✨环境装修: 4/5
✨服务态度: 3.8/5
✨性价比: 3.5/5
✨再访兴趣: 3/5 (一次难忘经历)
.
💞整体来讲
由而家起至6月27日嘅星期五六日及公众假期可以喺迪士尼享用「皇室佳酿美食节」✨用一个代币换取一个美食，当中大部份混入迪士尼卡通人物嘅特色，非常igable，而且味道比想像中出色得多，大部份都冇令我失望！依家迪士尼仲开启埋最新嘅城堡，加上冇乜旅客，所以大部份机动游戏都唔系好洗排队，绝对系去迪士尼玩嘅最佳时机！有兴趣嘅记住预先喺网上购买电子代币，会有早鸟优惠㗎😆另外提提大家，疫情期间，要喺到访乐园前 7 日内预先喺迪士尼入园网站预约及作出健康声明。
张贴
