影片
更多
2007-09-02
7 浏览
小肥:虽然好多人会话呢类连锁式回转寿司冇灵魂(尤其系D Staff o个d "二三四" o既日文)又冇𫍯意, 但系我同大肥都间唔使会帮衬元气o架! 其实相比同类型o既寿司店元气算系最好o架㖞! 同埋虽然冇惊喜, 但至少唔会难食呀! 有时唔想烦, 唔想用脑, 但又有时间排队o既话都系唔错o既选择呀~ 上星期有一晚o系UA睇戏, 唔知食乜又见唔系要等好耐, 就再o黎帮衬啦. 我地一坐低就好快咁点o左我地常叫o既带子, 芥辣八爪鱼, 北寄贝沙律, 三文鱼, 甜虾, 虾沙律, 元气巻同炸虾巻, 其中我o既至爱系芥辣八爪鱼, 点埋多多wasabi简直系刺激呀! 要食到标眼水先开心, 另外虾沙律我记得应该系较新o既口味, 佢总系令我谂起滑蛋虾仁! 食完一round我地就加多2个蒸蛋, 一客泡芙同1个手巻(大肥食o既), 呢度o既蒸蛋虽然用料系好普通, 又唔系乜o野贵价, 但系好滑好好味, 泡芙都系比较新o既, 都几好味o架~服务就算系满意啦, 当晚有个女仔可能系新o黎, 比较黱鸡, 佢送o野o黎我地讲少少o野, 或者有少少反应佢都好惊咁望番我地, 惊死做错o野咁, 不过当然唔会令我反感, 反而觉得
虽然好多人会话呢类连锁式回转寿司冇灵魂(尤其系D Staff o个d "二三四" o既日文)又冇𫍯意, 但系我同大肥都间唔使会帮衬元气o架! 其实相比同类型o既寿司店元气算系最好o架㖞! 同埋虽然冇惊喜, 但至少唔会难食呀! 有时唔想烦, 唔想用脑, 但又有时间排队o既话都系唔错o既选择呀~
上星期有一晚o系UA睇戏, 唔知食乜又见唔系要等好耐, 就再o黎帮衬啦. 我地一坐低就好快咁点o左我地常叫o既带子, 芥辣八爪鱼, 北寄贝沙律, 三文鱼, 甜虾, 虾沙律, 元气巻同炸虾巻, 其中我o既至爱系芥辣八爪鱼, 点埋多多wasabi简直系刺激呀! 要食到标眼水先开心, 另外虾沙律我记得应该系较新o既口味, 佢总系令我谂起滑蛋虾仁! 食完一round我地就加多2个蒸蛋, 一客泡芙同1个手巻(大肥食o既), 呢度o既蒸蛋虽然用料系好普通, 又唔系乜o野贵价, 但系好滑好好味, 泡芙都系比较新o既, 都几好味o架~
服务就算系满意啦, 当晚有个女仔可能系新o黎, 比较黱鸡, 佢送o野o黎我地讲少少o野, 或者有少少反应佢都好惊咁望番我地, 惊死做错o野咁, 不过当然唔会令我反感, 反而觉得佢几得意.
p.s. 我地四月去台湾时试过当地o既元气, 不论价钱, 质素, 款式都比香港吸引, 有机会大家都不妨一试, 同埋有VIP的话, o系当地都会有折o架㖞! 我都想再去食多次呀!
大肥:
记得几年前回转寿司岩岩兴起既时候，元禄系首选，但质素就越黎越差，再慢慢俾元气爬过头，但而家通街都系回转寿司既时候，元气虽然唔可以话系食回转寿司首选，但一定会系稳阵之选。其实而家既元气虽然比起以前系差左少少，但仍然有佢既独特之处，否则都唔会间间都要排长龙啦。
首先讲下必食推介，软壳蟹手卷，脆脆既紫菜同软壳蟹再加上佢地既沙律汁，味道非常好，沙律酱中和左软壳蟹既油味亦提升左整体既味道。辣味三文鱼，适中既辣味同三文鱼既鲜味配合得岩岩好。带子寿司，绝个人喜好，当然好既带子系唔可以有鯹味，哩度都算做得到。元气卷，好似越做越差，三文鱼越黎越细块，中间既三文鱼皮就越黎越硬，虽然如此，但因为食开有瘾，所以仍然系我既必食清单。炸虾卷，味道始终如一，哩个都算系保持得最好既一款寿司。北寄贝沙律，味道依然吸引，但料就越黎越少啦。炖蛋，莲子同忍者小灵精(即系好似忍者小灵精块面既鱼蛋)，仲有唔知系咪鱼翅既翅，全部都十年如一日。其实仲有好多新款寿司，但感觉总系比唔上以上经典选择。除左价钱静静咁加左之外，其余既野，大致上都仍然系回转寿司中中上之选。加上有元气卡，感觉上系好d，但而家元气卡越黎越难续啦，仲有几年先有一次机会。
张贴