元気寿司 (禾輋廣場)

营业中

休息中

星期六同女朋友去沙田新城市影圣诞装饰，见到新城市入面间间餐厅都排晒队，所以就决定行远少少去到禾辈揾食，见到元气突然间想食回转寿司，就一于黎回转下。当时大约八点左右，虽然无新城市咁疯狂，但都要等左大约十分钟先可以入座。坐低后梗系第一时间睇下回转带上有咩食啦，但如上图所见，回转带上空空如也，而所剩嘅数碟寿司已经唔知摆咗几耐，上面嘅鱼生干到唔敢食。谂住等多几个圈会有新寿司出，但等极都唔见有新嘢出，而师傅已经主要整客人直接order嘅嘢，当我问店员回转带系咪唔会再有新寿司时，佢话因为已经八点几，而餐厅会九点九就截单，为免浪费，所以客人直接order会方便d及新鲜d，我明白避免浪费系好事，但当时其实仲有人等紧位，而亦不停有客人入座，系咪需要咁早就唔出回转寿司呢？回转寿司其中一个卖点就系系回转带上见到有兴趣就拎，而唔系直接order，如果系咁的话，我无必要来回转寿司啦。非常失望的一餐晚餐，食完唔饱但已经无心情再order了。