Notte (已結業)

上次好朋友OT甩咗底，今晚终于准时收工。所以就同佢延续FINE DINING心愿，㨂咗呢间座落铜锣湾海边由几个九十后小伙子开嘅餐厅，品尝一下依家啲九十后心中美食嘅定义水准。先食啲麦包开下口，几钟意呢度将牛油雪得硬身做成雪花状，配上热包慢慢溶化几唔错。前菜。蟹肉沙律波配蜜瓜帕马火腿。一啖一件的的色色咁几开胃，两样都酸甜平衡再伴上陈年酒醋酱，令人食欲大增。卤煮鲍鱼配大根。饱鱼好入味同弹牙，成旧攞入口够滋味。下面垫底嘅大根入口即化又有淡淡高汤味道，两者配搭得好出色。苏格兰烟熏三文鱼。不得不讲件三文鱼真系好厚，一件有成两粒麻将咁大。咸味啱啱好鱼脂偏少但味道浓厚。香煎鲈鱼伴竹洋葱萝卜。鲈鱼本身系偏油脂丰富嘅鱼，配上即场喷洒嘅白酒果醋，减少油腻感之余亦提香不少。鱼肉细嫩配上洋葱萝卜丝及青豆好好食。烟肉芝士寛意粉。烟肉厚身所以油香唔错。而意粉上枱时店员再额外刨上芝士碎增加风味，钟意芝士嘅可以要求再多一点。可惜分量只作过场之食所以唔太多。野菌汤。店员先放低只有野菌嘅汤碗，再拎出装有汤嘅茶壶慢慢倒入汤碗之中。倒嘅过程充分散发野菌嘅香气。汤水睇落好清但饮落味道十分浓郁。淡淡菇香洗去不少饱肚感。红酒汁猪鞍配