羲和雅苑

营业中

休息中

慕名而来食羲和三宝，听闻呢度师傅师承全聚德创左烤鸭新食法，咁得意，所以同闺密们黎黎个提早团年。餐厅望到维港景色架，好正！🐟四川水煮鱼（桂花鱼） $398，上枱川椒麻味扑鼻，鱼肉入口非常滑溜，仲有笋丝、番薯粉，爽口又弹牙。🦆烤鸭半只$328，有靓仔师傅即席将鸭片皮。鸭颈沾上红莓酱再沾d爆炸糖，喺口中同比较香脆鸭颈融合，又甜又油香又脆，口感好新奇。鸭胸嫩滑肉质配秘制黄芥辣酱味道酸甜又解腻。鸭脾肉传统京葱西芹六必居甜面酱，新式洋葱山楂配红莓酱，我都系钟意传统食法多d😝。🦐酸辣油炆大虾$188，虾碌好大只，酸酸辣辣，食得出大虾爆过再炆，所以相当惹味香口。🐧山药燕窝羹$118，汤羹味道虽然唔突出，但燕窝份量好多，加上山药爽脆口感，提升左层次，所以我都几推介。