La Rotisserie (禧利街) (已結業)

成日都听到同事讲话呢间野既鸡好食，某日机缘巧合之下终于可以好好品尝一下到底有几好食我叫左set lunch $7X，午餐黎讲算是中价啦。个餐包含1/4只烧鸡同配菜，仲有个汤，听落好似几丰富。今次系外卖自取既，用一个黑色正方形盒装住，有啲特色、好似便当咁既，跟住......一打开就哗左一声因为好多配菜！！分别有长通粉、西兰花、萝卜、薯角（系好大条好厚身架！十分抵赞）同埋重点黎啦 —— 件烧鸡系有成只手掌咁大架！真系用左一段时间先食得哂！而且虽然系鸡胸肉，但肉质一啲都唔鞋，仲几嫩添！不过就略为唔够入味，得块鸡皮有味，鸡肉淡左啲，不过都系可接受既，当食得清淡战，而且有大量配菜搭救丫嘛！讲返啲配菜先，真系十分之多，无论边一款都系起码有七八旧，食到您唔食添，所以我食到中途已经系咁分享俾同事帮手最后提返个餐汤，呢一样就有啲逊色，是日汤系南瓜汤，但系我同同事都一致认为系一个冇味既汤，所以无特别感觉，较为平平无奇。基本上食完成盒都可以隔好耐先再觉得肚饿，所以系物超所值呀！绝对有回头再添食