Pink Coffee (已結業)

今年生日喺正星期五，攞正牌请假黎个long weekend，当晚先同友人食个生日饭。唔知有咩拣，友人话工厂区都开左个新商场，好多干净企理嘅餐厅。八点黎到，拣左食pink coffee，见佢个柜枱啲食物几吸引，而且想饮杯野吹下水。蕃茄墨鱼仔意粉友人拣左呢样，卖相唔错，试食左少少，意粉好有茄味，墨鱼仔亦爽口，几好味。卡邦尼黑松露鸡肉意粉 自己点左呢个，有四件鸡胸肉，一球黑松露酱，同好杰身嘅卡邦尼汁。意粉占满酱汁，正呀，好钟意呢个味。意粉韧度十足有口感，加埋黑松露香味认真唔错，可惜鸡肉鞋了点，亦没有调味，败笔之处呀～友人点左朱古力曲奇咖啡品酪冰，自己点左杂莓荔枝品酪冰友人个杯味好正，朱古力同咖啡味好平衡，又有曲奇碎堤升口感。自己杯杂莓粉红色好靓呀，饮落酸酸甜甜，好似乳酪咁，又带荔枝香味，好饮！抹茶粟子蛋糕卖相认真麻麻地，但食落软绵，重绿茶味又有粟子味，意外惊喜呢！杂果慕丝蛋糕看来有点干身但不影响味道，杂果甜甜的，中间有一层士多啤梨味嘅慕丝酸酸地，下层系软绵绵嘅蛋糕，夹埋一齐又系好美味。好满足嘅一餐呀～！！