漁之部屋 (已結業)

将军澳区放题得几间，渔之部屋已经占咗两间，而呢间系较近期开嘅，见食评唔错，即该订枱即晚试食。餐厅舖仔细细真系好迷你，早段客人比较少，座位亦算舒适，不过枱同枱之间好窄，部份座位会打开比客人知道下面可以摆放手袋，而且入座职员会比消毒洗手液比客人清洁双手，够细心。食物方面味道中规中矩，卖相够精致，服务亦唔错。入座每人一杯Welcome drink，一只鲍鱼，上面有少少黑松露，有咬口又唔会太淋，味道唔错。我哋点咗小小前菜开胃，细细碟两个人啱啱好。刺身比较耐先嚟，款式够多而且新鲜，连吞拿鱼同阿根廷牡丹虾都有，下面两片三文鱼腩系送嘅。寿司种类多，卖相唔错，但味道一般，海胆三文鱼籽较出色。清酒煮蚬够大只，可惜清酒味唔够。盐烧三文鱼头，鱼骹，骨腩，鱼鳍系限量供应，味道唔错，唔会太咸。外脆内滑一口炸豆腐，仲有糖心温泉蛋。网烧羊架唔会韧，稍久羊味，芝士焗蚝芝士味唔够。炸物同天妇萝用炸篮上几特别，炸榴梿会切开避免客人食𠮶阵过热辣嚫，鸡翼外脆，里面唔会干，而芝士年糕有淋少少汁喺上面，炸饺子出奇地好味，天妇罗嘅浆亦唔厚，整体唔错。甜品选择多，水信玄饼同马卡龙亦比较少有，焦糖炖蛋好味，令外Haage-Das雪糕，