恆香老餅家 (已搬遷) 新店位置

农历新年期间有人买咗几盒迷你杏仁饼俾我哋,包装入面有一个透明胶盒,打开之后可以再扣紧,咁就可以保持新鲜.虽然如此,我都会习惯再用密实盒保存.每个迷你杏仁饼上面都印咗店名中嘅恒或香字,的的骰骰,就好似一个个五元硬币咁,不过就比硬币厚一啲啲.盒嘅背面就详列咗有乜成份,分别系绿豆粉,砂糖,花生,食用猪油,杏仁,杏仁油等等.食落口感偏实,但总算香脆,杏仁味非常非常非常明显,入面嘅花生同杏仁碎仲可以增强咬口.