影片
更多
2021-09-15
983 浏览
我同同事嚟开V Walk食晏，我之前食过「笃笃船面」觉得几得意，而佢又话未食过，就一于入去开餐😊。啱啱到达𠮶阵，餐厅都几多人，始终正值午餐时间。店舖环境几靓，因为周围都好色彩缤纷🌈，有著红黄蓝绿四色嘅櫈仔，而且又有大大幅墙画。我留意到餐厅有搞唔少噱头活动，例如挑战最多食几多碗船面同埋斗快食船面嘅比赛。餐厅现时采用QR code落单📱，但如果嗌细船面餐就会拣到傻，要逐碗每个细项㩒，哈哈。反而以前划喺纸更一目了然。泰多茜牛柳船面($75)，「茜人」食佢就啱哂，因为碗面坚系有真·激量芫茜山☘️。除咗面头堆生芫茜之外，佢个汤底都充满咗打溶哂嘅芫茜碎，所以每啖汤饮落都好重芫茜味。不过你亦都唔使担心，佢个汤浓得嚟好易入口，唔重臭青味，否则我都食唔到。但汤底偏少，金边粉又索汤，所以食到一半个汤已经蒸发咗八成。多茜船面嘅𩠌料包括慢煮嫩滑牛柳同炸猪皮。🥩牛柳俾到意外惊喜我，佢并唔系一般肥牛，反而系有一定厚度嘅牛肉片，似似哋牛腩，牛味突出，由生浸到熟，肉质冇变嚡。猪皮就麻麻哋，因为唔够酥脆。笃笃地道泰式细船面($55/五碗)，细船面好的骰，不过五碗夹埋食都饱㗎🖐。每款有大约三至四啖，一次过可以试到唔同𩠌料、
我同同事嚟开V Walk食晏，我之前食过「笃笃船面」觉得几得意，而佢又话未食过，就一于入去开餐😊。啱啱到达𠮶阵，餐厅都几多人，始终正值午餐时间。
店舖环境几靓，因为周围都好色彩缤纷🌈，有著红黄蓝绿四色嘅櫈仔，而且又有大大幅墙画。我留意到餐厅有搞唔少噱头活动，例如挑战最多食几多碗船面同埋斗快食船面嘅比赛。
餐厅现时采用QR code落单📱，但如果嗌细船面餐就会拣到傻，要逐碗每个细项㩒，哈哈。反而以前划喺纸更一目了然。
泰多茜牛柳船面
$75
21 浏览
0 赞好
0 留言
多茜船面嘅𩠌料包括慢煮嫩滑牛柳同炸猪皮。🥩牛柳俾到意外惊喜我，佢并唔系一般肥牛，反而系有一定厚度嘅牛肉片，似似哋牛腩，牛味突出，由生浸到熟，肉质冇变嚡。猪皮就麻麻哋，因为唔够酥脆。
笃笃地道泰式细船面
$55
10 浏览
0 赞好
0 留言
1️⃣第一碗 = 牛柏叶 + 牛浓汤 +干河粉，我认为牛汤呢碗感觉最正宗，味道较浓，带点药材味。
2️⃣第二碗 = 牛丸 + 牛辣汤 + 米粉，估唔到辣汤嘅辣度都几强，牛丸就正常水平啦。
3️⃣第三碗 = 鸭血 + 牛清汤 + 檬粉，个人最钟意牛清汤，因为最香口同入味，而檬粉滑滑嘅口感亦好正。
4️⃣第四碗 = 猪腩肉 + 猪辣汤 + 全蛋面，猪辣汤同样辣，猪腩肉就唔错，够大块，又唔嚡。
5️⃣第五碗 = 猪肉丸 + 鸡清汤 + 米粉，猪肉丸几弹牙，鸡清汤味道最清淡，反而令炸蒜香更出。
香茅猪扒
$25
13 浏览
0 赞好
0 留言
泰式时菜($12)，泰国舖竟然冇通菜卖有啲令人失望🙈，不过好彩佢碟生菜都卖得平，而且份量多。
蔗虾($16)，好耐冇食过呢款小食，佢系儿时嘅味道👶🏻。佢即系由虾胶包住碌蔗，外层爽弹得嚟有啲似鱼饼。
虾饼($16)，🍤虾饼比起蔗虾更Q弹，佢以吉列炸嘅方式整成，所以避免唔到有啲啲油。
总括嚟讲，笃笃船面富有自家特色，佢嘅食物味道未必令你好难忘，但胜在有创意，提供迷你船面🍜，打卡一流。吖唔系，定应该赞佢够传统呢，因为泰国嘅船面真系细细碗的。如果经过V Walk，不妨可以入嚟试吓，消费都唔算贵嘅。
张贴
