長發麵家 (已搬遷) 新店位置

之前曾经听阿姨话呢度既鱼蛋粉唔错,对于经常系呢头游走既我同猪仔当然都有兴趣一试啦!于是今日午餐就系度解决左喇!!!呢间野位处系一条横街既巷仔入面..一d都唔显眼..所以环境亦都差D...一坐底, 见隔离有人饮支装可乐, 我地都梗系整返支啦!!望下餐牌, 款色唔多, 都系一般既粉面配料鱼蛋, 墨丸, 牛根腩, 云吞个D...由于呢度既捞面好似几出名, 猪仔就要左个捞面, 我就试碗鱼蛋河喇!!鱼蛋河登场!! 一黎到, 汤好清, 好普遍既大地鱼带点葱香既汤头河粉就比较幼身~唔算好厚, 都吸到少少汤既味道至于鱼蛋都弹牙, 唔似得有D整到实哂又或者表面层皮好韧佢呢个鱼蛋打得好滑身, 味道都适中, 唔会过咸到猪仔既根腩捞喇!!猪仔话, D面好爽口, 比起食开既刘森记更爽不过碱水味好重, 呢样就唔太OK喇D根腩煮得唔够稔身, 但味道系OK既~~整体黎讲, 系不过不失既粉面店但份量以呢个价钱黎讲就真系少左D喇!好似捞面都要成三十几蚊...大食既朋友仔就真系要留意留意喇!!XD