影片
更多
2010-05-16
175 浏览
近年去过唔少地方打边炉，但令我觉得值得再次返兜嘅，一只手数得晒。继上次高流湾之后，呢间位于天后清风街嘅上品火锅料理，食过之后即刻爱上，呢份一食钟情嘅感觉，绝对系非推介不可！酱料盒选择都唔少，未计基本嘅豉油总共有十三款。一时之间花多眼乱，不过人总系贪心，最后我地每人都拎左两个碗仔作唔同配搭...汤底同样令人花多眼乱，不过有两个真系又平又吸引。尤其系呢个杏汁白肺汤底($68)，杏味几劲，而且汤底有菜干、白菜、红萝卜、鸡脚、猪肺，真系落足料，大家都忍唔住饮一碗润下喉先...正呀！另一个好味汤底就系呢个冬瓜猪骨瑶柱汤($68)，表面平平无奇，但入面真系样样靓料，秀珍菇新鲜、粟米清甜，配埋入味嘅冬瓜，真系掂！手切安格斯肥牛($118/大) - 份量都几多，肉味丰腴，鲜味无穷，无牛不欢嘅朋友唔好错过！小云耳($48) - 平时打边炉真系好少食呢样，见呢度推介就即管试下。食落虽然几爽口亦几香，不过唔算系必食，非爱好者可以无视...自制子母虾腐($68) - 制法同大家平时食嘅鱼腐差唔多，呢个入面系虾肉做成，食落鲜虾味浓，而且口感相当细腻，渌耐少少连汤味道都入晒去，好味！鱼皮饺($58) - 听闻味道
酱料盒选择都唔少，未计基本嘅豉油总共有十三款。一时之间花多眼乱，不过人总系贪心，最后我地每人都拎左两个碗仔作唔同配搭...
汤底同样令人花多眼乱，不过有两个真系又平又吸引。尤其系呢个杏汁白肺汤底($68)，杏味几劲，而且汤底有菜干、白菜、红萝卜、鸡脚、猪肺，真系落足料，大家都忍唔住饮一碗润下喉先...正呀！
另一个好味汤底就系呢个冬瓜猪骨瑶柱汤($68)，表面平平无奇，但入面真系样样靓料，秀珍菇新鲜、粟米清甜，配埋入味嘅冬瓜，真系掂！
手切安格斯肥牛($118/大) - 份量都几多，肉味丰腴，鲜味无穷，无牛不欢嘅朋友唔好错过！
小云耳($48) - 平时打边炉真系好少食呢样，见呢度推介就即管试下。食落虽然几爽口亦几香，不过唔算系必食，非爱好者可以无视...
自制子母虾腐($68) - 制法同大家平时食嘅鱼腐差唔多，呢个入面系虾肉做成，食落鲜虾味浓，而且口感相当细腻，渌耐少少连汤味道都入晒去，好味！
鱼皮饺($58) - 听闻味道唔错，呢样野我一向唔食，所以都系No Comment...
樱花牛刺身($118/大) - 唔单止卖相靓，而且牛肉砌得薄薄，入口即溶，掂到爆！如果蘸跟黎果只酸辣汁，真系愈食愈好味，小心会停唔到口...
蜂巢冰豆腐($38) - 呢类豆腐一向都系食火锅嘅妙品，蜂巢式内层令啲汤味更加入。虽然食落无台式豆腐咁正，但都几特别架～
花胶筒($88) - 虽然呢个其实配鲜鱼汤底系最理想，不过配用杏汁猪肺汤底都唔失礼，鲜味十足，又够爽口，绝对推介俾各位小姐女士，好有益架！
明太子酿冬菇($68) - 黎到呢度，你会发觉有好多用鱼滑虾滑酿制及包制嘅食品，好似呢个酿冬菇就系其中之一，不过建议大家浸耐少少先食，入面太足料，唔系几分钟就食得～
手酿四色丸($78) / 灌汤茄蓉包($78) - 前者系呢度必食推介，味道有几正我想卖个关子，但粒粒入面有野爆出黎，食果阵真系要小心。灌汤茄蓉包系全晚最大嘅惊喜，简单啲讲佢只系包满鲜茄蓉嘅小笼包，但原来猪肉馅同茄蓉系咁夹，好味到爆灯！极级推介！
海虾滑($78) - 从来无谂过，打边炉食虾滑系可以好食成咁，啖啖都有鲜虾肉嘅感觉，又弹牙又鲜味，下次必定要试埋墨鱼滑！
流沙汁酿墨鱼丸($78) - 单以墨鱼丸本身黎计，高流湾可能稍占上风，但加埋流沙汁的话，呢个真系天下无敌！好似食紧奶皇流沙饱嘅感觉一样，但出面换上弹牙墨丸，另一必食推介！
桂花蚌($88) - 味道其实唔错，够晒鲜味，份量亦唔细。可惜高流湾果个实在太出色，相形见绌...
芝心凤尾虾($78) - 除左茄蓉包同流沙墨丸之外，呢个卖相精致嘅芝心凤尾虾同样系非食不可，虾肉鲜味无比，入面嘅芝士香浓好味，一咬慢慢流出黎，实在精彩！
饭后送嘅甜品亦唔马虎，就好似呢个自家出品嘅香芋布甸，香滑得黎芋头味又浓，掂呀！
上品火锅系我心目中得分最高，除左食物质素好之外，服务质素好贴心又有礼貌，相比高流湾更加系天大对比。今餐每位大约$250左右，唔算好平，但绝对合理，中意打边炉嘅朋友快啲book位喇～！
张贴
