影片
更多
2010-10-05
58 浏览
甚少留下足迹晌红磡，过亲哩都系去大酒店兜个转！今晚，雨大大，要出席朋友妈咪嘅追思会，开始时间晌8:00pm，所以约好个老死一齐食完先去，老死介绍去川粤，原因有二：有啲人气、够晒就脚！不过自己有啲搞错，「盲踪踪」去咗旧铺，谂住会系哩间，原来老死心想嘅系「新店」，好彩两者都系隔条街啫，当然「新店」仲近大酒店，就系惠康隔离，行过去都唔使5分钟，绝对唔怕迟到！因为晌旧铺过哩，见到个边人山人海，仲有人等紧位。相反，新铺都人多，但就未至于人头涌涌，都系七乘几满，而环境、装修都比旧店好，大家都系同一个老细，出品应该同源，真系唔知点解食客人数差一截，唔通真系新不如旧，定抑或啲人食开有感情？我就无食过旧铺，所以比较唔到，有机会走过去试吓，睇吓系真唔系真。为求快靓正，点咗个肉碎猪腩米线$24，加多$6要杯冻奶茶。例牌大大碗米线，猪腩肉亦都唔少，因为唔好辣，拣咗酸辣，所以辣度温和，唔使靠杯冻奶茶救火，志在消消暑气，汤底带少少酸味，令人感觉开胃啲，几啱我胃口。猪腩肉唔算肥，都算炆得入味，肉质虽未志咬落松化，但唔韧唔嚡我OK架喇！老死拣咗口水鸡米线$26，口水鸡同米线系分开上，鸡件浸在辣油上，比起将口水鸡同米线
因为晌旧铺过哩，见到个边人山人海，仲有人等紧位。相反，新铺都人多，但就未至于人头涌涌，都系七乘几满，而环境、装修都比旧店好，大家都系同一个老细，出品应该同源，真系唔知点解食客人数差一截，唔通真系新不如旧，定抑或啲人食开有感情？我就无食过旧铺，所以比较唔到，有机会走过去试吓，睇吓系真唔系真。
为求快靓正，点咗个肉碎猪腩米线$24，加多$6要杯冻奶茶。例牌大大碗米线，猪腩肉亦都唔少，因为唔好辣，拣咗酸辣，所以辣度温和，唔使靠杯冻奶茶救火，志在消消暑气，汤底带少少酸味，令人感觉开胃啲，几啱我胃口。猪腩肉唔算肥，都算炆得入味，肉质虽未志咬落松化，但唔韧唔嚡我OK架喇！
老死拣咗口水鸡米线$26，口水鸡同米线系分开上，鸡件浸在辣油上，比起将口水鸡同米线放在一齐视觉好好多。为咗试吓个口水鸡嘅味道，我都黐咗两旧哩食，唔好见佢啲「辣油」泛光，查实都唔系点辣，带点点麻，绝对唔使揾冻饮哩救火，我觉得比温和辣少少，但啲鸡肉就好嫩喇。故此，我都觉得个口水鸡米线几唔错㖞！饮埋嘢，都系三十松啲，好过晌火车站食美心啦，晌个边食多算仲贵！
张贴
