影片
更多
2021-05-16
738 浏览
🌟呢餐系：「退完步都好味过好多米线舖」嘅一餐不久前啱啱踩完大家深爱嘅老板娘，今日介绍返个人觉得正常好多嘅米线。同样喺荃湾立足多年，好多foodie都有介绍过。呢间系我第一次入荃湾食嘅嘢，𠮶阵真系超级惊为天人。但系依家真系退步左唔少😞🍜酸辣米线黎到一定系食佢个酸辣米😍 就算平时好食得辣都建议嗌小辣，因为嗌过中辣成碗都系油，食完超级反胃🤢 小辣就啱啱好👍🏻 米线偏粗身，又弹牙，个人非常钟意呢只口感😋 汤底虽然偏油，但系十分挂汤，超级正🤩 如果觉得唔够酸，或者觉得好似硬系争咁啲，建议问员工攞碗酸汁。个人觉得酸汁好刁味，完全带出汤底嘅精华🥳提提大家，除非系想要多啲酸菜，如果唔系嗌嘅时候就唔洗讲明系酸辣。本身default就系酸辣米线，都有啲酸菜嘅，如果讲明系要酸辣就会俾多啲酸菜你，计一𩠌架啦。🥟云吞个人推荐云吞！以前大只到成只手板咁大，净系食3只都已经饱死，依家缩咗起码一半😣 块皮真系好厚，同我面皮有得比😱 仲加上馅少，搞到大半旧都系皮，个人会咬走佢唔食😅 虽然讲到佢咁我都推荐因为佢个馅包埋酸菜喺入面，味道口感都真系做得唔错👍🏻 次次去都必嗌🥰🍗翼尖个人推介no2。虽然有少少普通，但系同个汤底
不久前啱啱踩完大家深爱嘅老板娘，今日介绍返个人觉得正常好多嘅米线。同样喺荃湾立足多年，好多foodie都有介绍过。呢间系我第一次入荃湾食嘅嘢，𠮶阵真系超级惊为天人。但系依家真系退步左唔少😞
🍜酸辣米线
黎到一定系食佢个酸辣米😍 就算平时好食得辣都建议嗌小辣，因为嗌过中辣成碗都系油，食完超级反胃🤢 小辣就啱啱好👍🏻 米线偏粗身，又弹牙，个人非常钟意呢只口感😋 汤底虽然偏油，但系十分挂汤，超级正🤩 如果觉得唔够酸，或者觉得好似硬系争咁啲，建议问员工攞碗酸汁。个人觉得酸汁好刁味，完全带出汤底嘅精华🥳
提提大家，除非系想要多啲酸菜，如果唔系嗌嘅时候就唔洗讲明系酸辣。本身default就系酸辣米线，都有啲酸菜嘅，如果讲明系要酸辣就会俾多啲酸菜你，计一𩠌架啦。
🥟云吞
个人推荐云吞！以前大只到成只手板咁大，净系食3只都已经饱死，依家缩咗起码一半😣 块皮真系好厚，同我面皮有得比😱 仲加上馅少，搞到大半旧都系皮，个人会咬走佢唔食😅 虽然讲到佢咁我都推荐因为佢个馅包埋酸菜喺入面，味道口感都真系做得唔错👍🏻 次次去都必嗌🥰
🍗翼尖
个人推介no2。虽然有少少普通，但系同个汤底好夹😋 煮得好淋，好揉一就lun到，懒人食都唔惊👍🏻
🐔麻辣鸡
主要都系鸡髀肉，但系唔知点解都系鞋鞋地😣 超级嘴刁王就隔唔中都会嗌下，唔钟意lun骨嘅小编就觉得麻麻地啦。
环境质素：🌕🌑🌑🌑🌑
食物质素：🌕🌕🌕🌗🌑
CP值：🌕🌕🌕🌗🌑
回头指数：🌕🌕🌕🌗🌑
以上就系今次嗌咗嘅𩠌。其实仲有豆卜，但系都系普普通通，冇乜特别，个人唔系太建议嗌😅 呢度腩肉都算出名，但系就唔算出色。偏鞋同干，肥瘦唔太均匀。我自己钟意食偏瘦嘅肉所以都觉得ok，但系如果你系钟意食真腩肉就唔太建议嗌啦。舖内好少位，坐得逼，加上成件嘢都感觉唔系好干净，好油，自己衡量返o唔ok啦（我就觉得冇乜嘅）。
好多foodie都介绍过，踩过佢。我自己觉得佢退步冇以前咁好味就真系事实，无可否认。但系其实都仲系好味过坊间唔少米线舖。当初我自己本身好憎食酸辣，都系因为食过佢一次之后就爱上咗。建议大家可以黎试下，再自行判断啱唔啱你口味啦！
张贴
