Jenny Bakery (已搬遷) 新店位置

唔知点解一早起身经过饭厅, 发觉饭枱有罐jenny见咁多人话好好食, 自己都好想买黎食好耐, 估唔到佢会自己送上门, 心里面好希望佢系凤凰卷、杏仁片/ 4mix, 万万估唔到佢竟然系 8mix, 唔系话嫌弃佢, 不过个3样系我最想食但最残忍系睇得唔食得, 因为问阿妈系边个摆低佢竟然唔知, 究竟系临近佳节屋企个两位少爷买定黎送礼, 定系佢d "囡囡"买黎孝敬我哋....正想紧之际阿妈竟唔声唔声想整开个盖, 我即嗌住佢啦, 亦都好彩有胶纸"痴"住, 而两母女就咁"喉"住罐饼成日都唔敢食佢....等到夜晚终于知道系阿哥同朋友去老铜行行吓街见到买黎食, 而佢亦都唔知jenny咩来头, 只系有得拣佢就贪心买8mix, 傻佬....都好!卒之有得食喇...个罐其实都好细吓, 唔明佢点解会放到咁多块曲奇, 开黎睇先知佢原来好细件, 好似手指咁阔倒啦, 全部都系片黎嘅, 数来数去都唔见佢有8只味, 见上图开盖时冇话超香牛油味, 咬落去好松化, 少少脆口, 都几好味, 牛油味唔算好出, 试过大部份(p.s.我真系揾唔出晒8只味黎试), 觉得最喜欢系深啡色既咖啡杏仁曲奇整体都系中上水平, 直得一试/送礼,