陳勤記鹵鵝飯店 (已結業)

老友又要远走阿布达比六星期，于是又极速约食饭聚一聚，佢走左无人话比我听边只红酒抵饮了﹗谂住唔好成日买外卖，揾间野食下，点知又系来番呢度，咁同买外卖又有咩分别呢？今晚点左劲多送，有蚝仔粥、蚝饼、红肠墨鱼、鹅翼、鹅件、猪颈肉、四宝紫菜汤、仲有我唔食的猪红，除了猪红佢地话食落唔太靓比较粉之外，样样都keep到水准，老字对即系老字号，难怪老友对呢度特别钟情﹗我自己最钟意食当然就系蚝仔粥同紫菜汤啦，蚝仔粥好香劲多蚝，食落粥身不烂现粒状但绵，食左三大碗呢﹗堂食坐得不太舒服，老铺就系有呢个问题，人手亦不够﹗估唔到咁多人来呢度食饭呢﹗要再聚又要等新年喇，一路顺风﹗