影片
更多
2021-01-17
281 浏览
天寒地冻见到大快活外卖自取有9折优惠，又想食下煲仔饭，就试下叫外卖啦～晚市时段系5点15分开始嘅，一入到个网见到做紧个2人餐优惠，$93（未折）可以拣两个饭，配埋两杯野饮好似几抵。但系开始无耐已经见到有啲煲仔饭卖晒。餐饮：青红萝卜粟米煲猪展汤就系一般茶餐厅嘅质素，偏淡、水水地，上面浮住一层油。入面有青红萝卜、南北杏、蜜枣同少少肉碎，不过猪展煲汤都预左啲肉会好鞋，个汤可以唔洗特别去试。窝蛋土鱿鸡粒冬菇冬菜肉饼煲仔饭 一开就见到只蛋都几生下，即刻趁热落埋甜豉油捞下佢，但系都唔系好熟。见到人地啲煲仔饭会有饭焦，但系今次个煲仔饭唔够热，无饭焦得黎只蛋都仲系好生，可能都系要自己再加热下。肉饼食落有冬菇粒同鱿鱼嘅香味，整体黎讲份量都几多，如果细食嘅朋友可能可以两个share一个饭添。腊肠豉汁排骨煲仔饭呢个比上面个煲热少少，所以系有啲饭焦嘅，相对之下菜同葱就会黄啲，同埋比起上面个煲仔饭，呢个个份量睇落好似少啲。腊肠切落去爆汁，唔算好肥，都系甜甜香香嘅腊肠味，几好食。啲豆豉都几香，食落仲有少少陈皮味，不过啲排骨几厚粉，而且好大旧骨，比较少肉⋯加$6就送埋个煲俾你，都ok新净，系个边位有少少崩左。如果拎
晚市时段系5点15分开始嘅，一入到个网见到做紧个2人餐优惠，$93（未折）可以拣两个饭，配埋两杯野饮好似几抵。但系开始无耐已经见到有啲煲仔饭卖晒。
餐饮：青红萝卜粟米煲猪展汤
就系一般茶餐厅嘅质素，偏淡、水水地，上面浮住一层油。入面有青红萝卜、南北杏、蜜枣同少少肉碎，不过猪展煲汤都预左啲肉会好鞋，个汤可以唔洗特别去试。
窝蛋土鱿鸡粒冬菇冬菜肉饼煲仔饭
一开就见到只蛋都几生下，即刻趁热落埋甜豉油捞下佢，但系都唔系好熟。见到人地啲煲仔饭会有饭焦，但系今次个煲仔饭唔够热，无饭焦得黎只蛋都仲系好生，可能都系要自己再加热下。
肉饼食落有冬菇粒同鱿鱼嘅香味，整体黎讲份量都几多，如果细食嘅朋友可能可以两个share一个饭添。
腊肠豉汁排骨煲仔饭
呢个比上面个煲热少少，所以系有啲饭焦嘅，相对之下菜同葱就会黄啲，同埋比起上面个煲仔饭，呢个个份量睇落好似少啲。
腊肠切落去爆汁，唔算好肥，都系甜甜香香嘅腊肠味，几好食。啲豆豉都几香，食落仲有少少陈皮味，不过啲排骨几厚粉，而且好大旧骨，比较少肉⋯
加$6就送埋个煲俾你，都ok新净，系个边位有少少崩左。
如果拎返个煲俾佢就会退返张$6嘅大快活优惠券俾你下次用。整体黎讲我觉得呢个外卖自取二人餐都几抵，有9折优惠仲送埋个煲俾你自己煮，唔错。
张贴
