影片
更多
2006-05-12
10 浏览
昨夜一家聚首一堂，一同庆贺母亲节，母亲提议到凤城(当然系太子𠮶间la)，我当然双手双脚赞成，我星期一就打电话去订位，因为想一试佢哋嘅炸蟹钳...到咗琴朝早当我打电话去confirm𠮶位时佢哋竟然话无蟹钳，令我嘅心情一下子跌进低谷...但当我去到落order时，部长又话原来有留俾我哋wor，心情登时立刻亢奋...一家十二口，可以差唔多叫晒所有想食嘅招牌菜，但好奇怪个部长猛sell佢哋D套餐，但其实我系想散叫，因D set入面嘅嘢唔系全部啱心水。但通常散叫都系贵过食set，我心想呢个部长真系"倒米寿星"..^_^终于最后我点咗十𩠌及一个dessert，真夸张^_^1)乳猪拼生肠---凤城名菜之一，最好食系𠮶D生肠，既爽亦无任何怪味；乳猪虽偏肥，但皮脆，用嚟送酒掂哂；2)锅虾拼炒奶--- 亦系呢度名菜，锅虾嘅面包(多士)炸得相当脆口，虾亦十分新鲜弹牙；D炒鲜奶嘅水准反而有点退步，不够滑；3)金钱鸡--- 一个要预定嘅菜，亦系对所有要keep fit人仕嚟讲嘅天敌。琴晚呢个菜嘅水准就俾我上次食差咗少少，件肥猪肉及鸡肝薄咗，整件好似缩咗水，亦唔够上次食咁甘香，不过呢D怀旧菜，有得食已经好好la.
到咗琴朝早当我打电话去confirm𠮶位时佢哋竟然话无蟹钳，令我嘅心情一下子跌进低谷...
但当我去到落order时，部长又话原来有留俾我哋wor，心情登时立刻亢奋...
一家十二口，可以差唔多叫晒所有想食嘅招牌菜，但好奇怪个部长猛sell佢哋D套餐，但其实我系想散叫，因D set入面嘅嘢唔系全部啱心水。但通常散叫都系贵过食set，我心想呢个部长真系"倒米寿星"..^_^
终于最后我点咗十𩠌及一个dessert，真夸张^_^
1)乳猪拼生肠---凤城名菜之一，最好食系𠮶D生肠，既爽亦无任何怪味；乳猪虽偏肥，但皮脆，用嚟送酒掂哂；
2)锅虾拼炒奶--- 亦系呢度名菜，锅虾嘅面包(多士)炸得相当脆口，虾亦十分新鲜弹牙；D炒鲜奶嘅水准反而有点退步，不够滑；
3)金钱鸡--- 一个要预定嘅菜，亦系对所有要keep fit人仕嚟讲嘅天敌。琴晚呢个菜嘅水准就俾我上次食差咗少少，件肥猪肉及鸡肝薄咗，整件好似缩咗水，亦唔够上次食咁甘香，不过呢D怀旧菜，有得食已经好好la...
4)酿鲮鱼--- 又系要预定嘅。条鱼嘅size算很大，系香港依家好难找到相类分量嘅鲮鱼la。献汁相当多(至少比我预算嘅多)，呢个亦系个菜嘅美中不足之处，D汁浸软咗本身煎香脆嘅鱼皮，令D鱼皮变得太腍，影响咗口感。但条鱼本身好靓，再加上下了足够陈皮及其他配料如冬菇及葱，所以我一个人差唔多包办咗半条...
5)炸子鸡--- 另一招牌菜。四个字讲哂--- 皮脆肉嫩；
6)西生菜鹌春松--- 份量比以前少了，但水准依旧；
7)炸蟹钳--- 全晚高潮所在。一上台时候自己暗喝一声采。size大之余，炸功相当出色，一咬下去，发觉虾胶以内包住整只蟹钳，真的不惜工本，怪唔得真系要预订，味道当然系极之鲜甜la，再配上蒜茸淅醋，真的相得益彰；
8)炒桂花鱼肚--- 四个字形容--- 平平无奇。
9)金银蛋觅菜--- 份量多，菜颇嫩，皮蛋亦靓；
10)西兰花带子--- again平平无奇；
11)西米莲蓉焗布甸--- 又要预订。不太甜，西米够多莲蓉亦够滑，连平时不太食甜嘢嘅母亲亦赞不绝口。
埋单约$2200，系凤城嚟讲算系贵，但为咗个蟹钳都系值嘅...
母亲节快乐! ^_^
张贴