西西里餐廳

营业中

休息中

呢间餐厅食品正常，价钱虽然比附近一带贵少少，我都经常惠顾，一直没有大问题。今日，我两公婆如常嚟到享用早餐，一份牛扒一份鱼柳，当时，侍应一个著白色衫一个著黑色衫，准备落单时唔记得问边一位，答案系叫我揾另外一个，唯有等啦⋯⋯点知，黑衫一直帮后到，但近佢嘅两枱食客落单，我唯有再等⋯⋯落单后，见到侍应攞住杯斋啡逐张台问系咪佢，之后又攞杯冻啡走甜俾后到，但要冻斋啡走甜嘅食客，感觉好乱。之后，一直有扒餐、三文治等餐送到后到食客台，我问其中一个侍应，佢嘅解释系分两个人做，可能一个快啲一个慢啲。期间，我见黑衫同白衫根本都有落单，真系嬲嬲哋，都算，嚟到嘅鱼柳薄过纸、细块又有啲怪味，沙律菜有部分发黑，呢个真系忍唔到，叫过白衫，佢嚟到我叫佢黑色菜唔好俾人，佢望一望啲菜走去帮隔离台落单，漠视我嘅建议，我随那在此做过记录，希望管理层能够正视，改善下。另外，餐牌写嘅煎焗流心蛋，唔似煎焗，方法可能唔同唔紧要，试过几次嚟到根本冇流心，希望改善。