Gastrobox The Union (已結業)

星期五同朋友happy Friday, 去咗坚尼地城揾食。揾下揾下行到呢个比较隐蔽嘅餐厅就入咗去。里面地唔算好大，不过每张枱都够阔落。我哋一行四人被安排坐系角落嘅位置，尚算有个私人嘅空间可以让我哋几个详谈。我们点左一个珍宝虎虾配黑松露意大利饭，扇贝红花忌廉扁意粉同一只烧春鸡。risotto卖相都OK，不过啲饭就稔左一啲。饭入面混合左青椒红椒粒，仲有个cream sauce打底，其实个味道唔差，只不过佢标榜嘅黑松露味道我就一点都食唔出，所以有啲失望。至于只虾加咗芝士，盖过咗啲鲜味。整体来讲碟饭就一般般，不过不失。令外个扇贝意粉好有趣，我想像佢系比较偏红色嘅，但系唔知点解出到嚟会变咗偏黄。意粉都夹集左一啲青椒红椒，味道好似同饭差不多。唯一可取嘅地方就系意粉烚得尚算有口感，生熟度比饭好多，扇贝又加左一啲cream sauce去焗，佢个整体来讲一般般唔算特别新鲜鲜味。至于烧春鸡都算系当晚最好食的菜。鸡烧得都干身脆口，肉质亦鲜嫩多汁。反而我觉得唔点酱更加好味。可以一试嘅。另外两味菜就唔好期望太大啦。