舞鶴鐵板燒 (已結業)

舞鹤喺铜锣湾立足超过五年 一直都以大件夹抵食同唔花巧嘅高性价比做卖点😉 最近嘅生意虽然受到疫情影响 不过舞鹤依然维持原有嘅计划 喺同区开设分店 而且仲加入铁板烧嘅元素🔥 新店空间感好大 而且分开寿司同铁板烧区域 抽风系统好强 食住寿司系完全闻唔到铁板烧嘅油烟味👍🏻 .今次试咗晚餐时段嘅omakase 包括海鲜蒸蛋、10款刺身、1份铁板烧熟食、5件寿司、时令日本进口水果 整体嚟讲刺身都算新鲜 斋食刺身其实饱咗一大截😂 .铁板烧嘅熟食我拣咗银鳕鱼配南瓜蓉🐟 口感外脆内软 保持到鱼肉嘅嫩滑 而且仲有煎香咗嘅鱼皮同皮下脂肪 算系几惊喜 下次反而可以试吓个铁板烧🤪