影片
更多
2023-04-21
1279 浏览
东南亚菜系中，一向都几钟意食越南菜，曾经自由行去过越南两次，到访过唔少地方，河内、胡志明就唔在讲啦，上木帆船晌下龙湾过一晚嘅旅程好舒服，到美奈睇沙漠赏夕阳亦喺唔错体验。今晚就嚟到「越风味」食吓越南嘢，短期暂未打算出门，就先回味一吓越南味道。虽然餐厅门口窄窄，但整个舖位好深长，可以一眼望到尾，加上一室苹果绿，又够光猛，所以，予人感觉好清爽，墙身两边有少少越南嘅风景油画，以及越南嘅传统笠帽作装饰，带出少少越南风情。餐枱就一大本过埋胶，都有啲难影，好彩门口有啲单张纸攞，所以，扫描出嚟俾大家参考吓。睇落都喺好惯常见到嘅越南美食，如米纸卷、越式法包、风味小食、汤河、捞檬、饭品……等等，仲有各式各种特色饮品，选择十分多，定价合理，又唔收加一。枱上就放咗几样调味料，而枱侧就放咗餐具、纸巾。我哋简简单单食个粉面，加杯饮品就算。自制春卷捞檬 $68友人同样好钟意食越南菜，不过，佢对捞檬就情有独钟，反而对汤粉却喺一般般，所以，拣咗呢一款捞檬。睇啲春卷卖相，跟平常嘅好唔同，颇有特色，佢话唔单止脆而不腻，更喺味道丰富，非常好食；檬粉之上有大量甘笋丝、青瓜丝、生菜丝同花生碎，再到埋鱼露捞埋一齐食，晌呢个初夏时食
虽然餐厅门口窄窄，但整个舖位好深长，可以一眼望到尾，加上一室苹果绿，又够光猛，所以，予人感觉好清爽，墙身两边有少少越南嘅风景油画，以及越南嘅传统笠帽作装饰，带出少少越南风情。
餐枱就一大本过埋胶，都有啲难影，好彩门口有啲单张纸攞，所以，扫描出嚟俾大家参考吓。睇落都喺好惯常见到嘅越南美食，如米纸卷、越式法包、风味小食、汤河、捞檬、饭品……等等，仲有各式各种特色饮品，选择十分多，定价合理，又唔收加一。
枱上就放咗几样调味料，而枱侧就放咗餐具、纸巾。我哋简简单单食个粉面，加杯饮品就算。
自制春卷捞檬 $68友人同样好钟意食越南菜，不过，佢对捞檬就情有独钟，反而对汤粉却喺一般般，所以，拣咗呢一款捞檬。睇啲春卷卖相，跟平常嘅好唔同，颇有特色，佢话唔单止脆而不腻，更喺味道丰富，非常好食；檬粉之上有大量甘笋丝、青瓜丝、生菜丝同花生碎，再到埋鱼露捞埋一齐食，晌呢个初夏时食，实在美味透心凉。
椰汁芒果西米露 $28若非摆喺饮品一栏，真喺以为佢喺个甜品，哈哈！大大杯西米露其实加咗大量椰汁底，饮落好清甜，椰子味浓，西米都无话煲腍晒，口感啱啱好，加埋有啲清甜嘅芒果粒，实在唔错。
鲜茄蟹肉扎肉汤檬 $82晌越南菜馆食汤檬大多数都喺牛骨汤，蕃茄汤底都喺第一次，加上都几钟意食蟹肉、汤粉面，所以拣咗呢个。跟预期有小小落差，因为以为蟹肉喺一梳梳𠮶啲，而呢次喺半只软壳蟹；不过另一方面，原来除咗扎肉，仲有好多𩠌料，如鲜虾、猪肉丸、香叶肉卷、豆卜，味道亦唔错，加上个蕃茄汤底确喺几浓香，几开胃。
鲜榨芒果沙冰 $38小弟几钟情芒果系饮品，加上店家标明喺鲜榨，自然喺一大亮点。拣咗杯芒果口味，沙冰嘅份量非常之足，够晒大杯，而且芒果味确喺清甜浓郁，此外，质感打得好幼细，完全唔会有𠮶种冰粒感。
依家嘅砵兰街搞搞吓可以讲喺发展咗成条食街，由旺角到油麻地整大段街，两旁食肆林立，相对亦好大竞争，所以，做得住嘅餐厅绝对喺有一定嘅实力，睇见今晚「越风味」有咁多人帮衬，就知差唔得去边。
张贴
