影片
更多
2021-06-07
240 浏览
炎热既夏天响铜锣湾行街有时都会觉得几闷热，时值3点几最热既时间，小编又唔想周围买台式饮品去解渴。经过铜锣湾后街范围个阵，突然见到港澳义顺牛奶公司，就即刻谂起细个响香港有较多分店﹑甚至经过澳门新马路个阵，都会求屋企人带自己入去享用甜品。谂下谂下，既然咁热就不如入去稍为食少少野清暑吧。以前细个个阵，双皮奶同炖蛋系义顺牛奶既皇牌甜品，基本上除左奶类制品外，都唔会见到有其他食品提供。但可能时代唔同，而家都需要引入茶餐厅都有既简单粉面餐单黎迎合唔同种类既客人吧。对小编黎讲，双皮奶系不可或缺既甜品，既然以消暑目标而入黎既，就当然系食冰冻双皮奶啦! 落单后唔驶15秒，双皮奶就即刻响面前出现喇。双皮奶其中最紧要既元素系表面既蛋皮，热食既时候就成功锁住入面蛋白既温度，从未保持住热辣辣既状态而又唔会过熟或过老；而冰冻既版本蛋皮某程度上可以令口感增强。每次享用双皮奶最令人深刻既系幼滑而浓郁既奶味：今次都唔例外! 滗起双皮奶既时候，幼滑既质地即刻出哂黎，既唔系奶水既淡﹑亦唔系炖奶既浓，取其中就系滑滑既感觉。奶味保持浓郁，既然饮开脱脂奶既人可能会觉得全脂奶质地会过甜，但正正全脂整出黎既甜品先够滑。综观黎讲，呢碗
以前细个个阵，双皮奶同炖蛋系义顺牛奶既皇牌甜品，基本上除左奶类制品外，都唔会见到有其他食品提供。但可能时代唔同，而家都需要引入茶餐厅都有既简单粉面餐单黎迎合唔同种类既客人吧。
对小编黎讲，双皮奶系不可或缺既甜品，既然以消暑目标而入黎既，就当然系食冰冻双皮奶啦! 落单后唔驶15秒，双皮奶就即刻响面前出现喇。
双皮奶其中最紧要既元素系表面既蛋皮，热食既时候就成功锁住入面蛋白既温度，从未保持住热辣辣既状态而又唔会过熟或过老；而冰冻既版本蛋皮某程度上可以令口感增强。
每次享用双皮奶最令人深刻既系幼滑而浓郁既奶味：今次都唔例外! 滗起双皮奶既时候，幼滑既质地即刻出哂黎，既唔系奶水既淡﹑亦唔系炖奶既浓，取其中就系滑滑既感觉。奶味保持浓郁，既然饮开脱脂奶既人可能会觉得全脂奶质地会过甜，但正正全脂整出黎既甜品先够滑。综观黎讲，呢碗双皮奶继续保持住我对义顺由细个到而家既感觉。不过每碗$36比较昂贵既甜品价钱，同其他特式甜品店比较，的确会令义顺既竞争力有下降吧。
张贴
