甜入心 (已結業)

已经唔记得第几次尼食甜入心喇，但每次尼都会有惊喜  朋友突然话想食朱古力甜品，又建议去呢间食。点知我地尼到发现有夏日限定既餐牌，一于试试!  真系睇得出有用心设计过既各款甜品~ 榴梿迷万勿错过!! 飘香梿花($42): 非常大推呢款甜品! 中间好大旧榴梿肉伴随住碎冰粒，食落好透心凉，而且榴梿好甜好香，朋友食完觉得非常满足!! 周围既系豆花，出奇地觉得味道好衬，可能系因为榴梿比较重味，而豆花清甜，完全系中和左西瓜中豆花($45): 最上层系甜甜的云呢拿雪糕，跟住有一层烟烟UNUN既粒粒同埋啲爆爆珠，增加左甜品既口感。跟住有西瓜啫喱，好浓西瓜味，但阵味完全唔假，好清甜! 最底系豆花，加埋西瓜啫喱一齐食更加好味~ 食完仲有得刮旁边既西瓜肉食，一样系好甜好好食。回想起数年前去过明朝食既西瓜盅，同呢个实在系一个天一个地，明朝既西瓜盅只是虚有其表，用一个西瓜装住各种生果同大量凉粉，实在唔会有下次 相反，甜入心的心思令人不得不大赞呀。价钱尼讲都算合理，水准亦都令人满意。店员好有礼貌，都会问返我地意见。希望下次尼仲会有惊喜