迷客夏 (利園山道)

营业中

休息中

见到门口有米猪连指南，就入去买杯试下。见到佢门口摆个ranking第二名就系呢个珍珠伯爵红茶拿铁，就试呢个喇。叫咗少冰，正常甜度。由于无乜人排队，好快就有得攞。首先坦白讲，第一眼见到系有啲失望，见到嘅就系一杯好普通嘅珍珠奶茶咁，简单到你唔会期待佢嘅奶茶系好好饮。但佢有特别嘅地方嘅地方，就系佢嘅珍珠系透明嘅，感觉会比黑色嘅珍珠好味啲。第一啖吸入口，果然，奶茶普通到无得再普通，虽然个名好似好劲，伯爵红茶拿铁，但同其他店舖嘅奶茶无乜分别。但系佢嘅珍珠系几好食，无黑色嘅珍珠食到个人好滞嘅感觉，有啲新鲜感。但$29一杯味道普通嘅奶茶嚟讲，价钱有啲贵，可能下次会买ranking嘅第一名再试。