泉昌美食 (已結業)

同事一直推荐呢间小食店嘅臭豆腐好味，不过收工去到都收舖！今日放假，特登行去！晚上6点几，一条后巷门口嘅舖仔，全间舖做咗厨房，炸臭豆腐唔算臭，不过油烟好劲，后巷整咗啲面壁位比人坐低食，不过后巷环境就差啲！先去厨房位买食物，枱面好高，好似押店二叔公柜台，男店员无理秩序，边个出声就招呼边个！因为我比几个菲律宾小姐抢闸落单！个男店员都无理！男店员按单执药！我堂食就同碟！加张油纸放好食物！辣鱿鱼（$12）加了少许咖哩汁，鱿鱼好深色，奇怪系冻嘅！啲汁炆得入味，咖哩汁好油，味道香浓！酱汁唔系好辣，鱿鱼有咬口！口感好味！如果热啲就更好！臭豆腐（$12）桌面有豆瓣酱同甜酱！可以自己加！蜂巢面豆腐卜卜脆，入面挺身唔干，其实唔臭！只有微微臭味！豆瓣酱好咸，有好多辣椒皮，甜酱正常！味道ok!男店员虽然唔管秩序，不过态度正常，会问埋我要不要咖哩汁！另一个炸食物嘅婆婆店员就好燥！啲客行开啲比佢闹（我无在佢个位买嘢，所以无事）食物ok不过唔惊喜！