太平飯店 (已結業)

农历年假的心情仍未平复，除了逗利是之外，找不到任何返工的理由，唯有揾间好少少的餐厅，食一餐好来振奋自己。来到卤水精品店太平饭店，因为佢哋嘅卤水食品颇出名，而且门口仲有张「猫头鹰」推荐的贴纸，所以无论如何都要试一试。首先系腩肉汤米，味道偏淡，腩肉较肥，不过最令猴子失望嘅系个碗，崩咗一忽都照畀客人用，唔危险都失礼。跟住试下一碟特色食品虾枣，简单讲就系虾肉包芝士。本来意念唔错，虾味亦相当浓郁，只可惜煮嘅时间唔够，里面的芝士未够溶，味道渗唔到入虾肉，食落口明显感到咬到一块完整的芝士，芝士味全部走到口腔的一角。而且价钱唔平，一条虾枣盛惠HK$ 118。最后当然系招牌菜卤水食品，点了个三拼（鹅片、元蹄及墨鱼）。鹅片够入味，元蹄肥瘦适中，墨鱼亦爽口弹牙，味道没有一般卤水店的浓烈，食完唔会口干。不过千万不要遗忘放了在底部的豆腐，口感够晒香滑。不过好味还好味，这碟三拼也不太「平」，多谢HK$ 198。