影片
更多
2020-03-26
61 浏览
今日坐朋友车游车河，我哋揸车黎到元朗嘅新田购物城（The Boxes）。第一次过黎呢度，见到入面灯火通明，有一条街嘅食肆喺度，一场黎到，一于入去揾嘢食😋后来先知元朗有巴士可以黎，搭的士或者揸车就粉岭𠮶边比较近～我哋拣咗一间叫醉辣鲜嘅餐厅，系食蒸气海鲜嘅😛 价钱都好吸引，只系百几二百蚊就有半自助形式嘅蒸气海鲜餐食❣️餐厅分咗内外两个部分，坐出面可以食烟。唔食烟嘅我哋就拣咗室内，方便拎嘢食同酱料嘛👻 七点几入座嘅时候冇乜人，得一两枱客，仲以为包场添。点知后来越食越多人，到咗八点已经全场爆满😲呢度有几款餐拣，分别就在于龙虾同蟹嘅份量。我同家姐拣咗冇龙虾同蟹嘅「醉辣鲜海鲜餐」✨，只系$198一个人咋！除此之外，仲有个儿童餐同一个肉蟹放题餐比你任捉蟹😱餐厅都算阔落，入面有几个水缸放龙虾、蟹、其他海鲜。仲有drum set同结他，唔知咩时间会有live band睇呢，虽然我去𠮶晚冇live music，但呢度仲有个大荧幕播music video，好正好有气氛。真系估唔到唔洗返大陆都有呢啲餐厅，食物质素高、地方阔落、价钱超值👍🏻👍🏻醉辣鲜海鲜餐 （$198）✨首先送上有老火汤，当晚系椰子猪骨汤，椰子味
今日坐朋友车游车河，我哋揸车黎到元朗嘅新田购物城（The Boxes）。第一次过黎呢度，见到入面灯火通明，有一条街嘅食肆喺度，一场黎到，一于入去揾嘢食😋
后来先知元朗有巴士可以黎，搭的士或者揸车就粉岭𠮶边比较近～
我哋拣咗一间叫醉辣鲜嘅餐厅，系食蒸气海鲜嘅😛 价钱都好吸引，只系百几二百蚊就有半自助形式嘅蒸气海鲜餐食❣️
餐厅分咗内外两个部分，坐出面可以食烟。唔食烟嘅我哋就拣咗室内，方便拎嘢食同酱料嘛👻 七点几入座嘅时候冇乜人，得一两枱客，仲以为包场添。点知后来越食越多人，到咗八点已经全场爆满😲
呢度有几款餐拣，分别就在于龙虾同蟹嘅份量。我同家姐拣咗冇龙虾同蟹嘅「醉辣鲜海鲜餐」✨，只系$198一个人咋！除此之外，仲有个儿童餐同一个肉蟹放题餐比你任捉蟹😱
餐厅都算阔落，入面有几个水缸放龙虾、蟹、其他海鲜。仲有drum set同结他，唔知咩时间会有live band睇呢，虽然我去𠮶晚冇live music，但呢度仲有个大荧幕播music video，好正好有气氛。真系估唔到唔洗返大陆都有呢啲餐厅，食物质素高、地方阔落、价钱超值👍🏻👍🏻
醉辣鲜海鲜餐 （$198）✨
首先送上有老火汤，当晚系椰子猪骨汤，椰子味超级香，饮落好香甜，仲食到几旧猪肉骨😋
之后有温泉蛋，佢系就咁食嘅，亦都可以选择加喺其他嘅度，例如最后食粥嘅时候加埋。钟意食蛋嘅我一样好满意🤗
海皇粥底入面有粥、芋头、南瓜粒。店员一上菜就帮我哋倒晒落蒸炉度，最后先食嘅。蒸海鲜嘅汁滴埋落个粥度，食落好鲜甜，加埋粉嫩嘅芋头好正🤤
同粥一齐黎嘅仲有鸡肉～呢个店员会问你想唔想而家蒸，ok嘅话佢就会帮你放上去，顺便教埋你点蒸其他嘢。鸡肉8分钟就蒸好，一打开盖闻到超级香！鸡系十万分嫩滑，而且好入味，仲有啲虫草嘅香味，第一样𩠌就惊艳到我😭❤️
菜同酱料都系自助、任拎嘅。菜方面，有金菇、鸡脾菇、冬菇、生菜、翠肉瓜、蕃薯、粟米。我全部都有食😛蔬菜类蒸完好淋身，既健康又好食。我最爱嘅系翠肉瓜，食落感觉清新脱俗而且肉汁丰富🤣生菜点酱食都好夹好啱！呢度除咗有一般打边炉见到嘅酱料，佢嘅辣酱仲系店员多次推介嘅，原来呢度嘅辣酱系佢哋自家制嘅，入面有辣椒，仲有虾米仔🤤真系好好食！怕肥嘅我平时食新鲜海鲜都好少点酱，但呢个酱我真系忍唔到手🙈
主角海鲜终于都到啦，omg! 有蚬、超大扇贝、饱鱼、超大只蛏子、本地生蚝、花甲、虾... 呢个系咪人间天堂？😭❤️
我想讲我系唔钟意食蚝嘅人，打冷绝对唔食蚝饼，但呢只我觉得好鲜甜，我加埋酱汁食仲好味！
饱鱼、扇贝、蛏子超大只，又juicy又超甜，家姐仲落咗蒜蓉一齐蒸扇贝😋啲虾都好甜，连花甲同蚬都好肥美...
另外嘢饮方便系价钱唔包咖，要饮就要另外叫，呢度系由茶、汽水、果汁至酒都有嘅。
就算系最平呢个餐，净系食海鲜都食到好饱。加少少钱仲可以任叫呢啲海鲜... 任食鲍鱼扇贝... 呢间餐厅真系蚀住做呀，下次再黎拆返个龙虾餐先😆！
张贴
