影片
更多
2010-08-22
161 浏览
在尖沙咀港晶中心地库一角，有一间完全唔起眼嘅日本餐厅叫鮨海，默默地经营了八个多月。今次经友人介绍到来，具级数嘅食物水准，令人舒服嘅服务态度，简单舒适嘅环境，值得向大家推介一下。头盘先来个温泉蛋，闻落有阵阵柚子香味，蛋白望落虽然唔系通透晶莹，但食落蛋味香浓，口感相当滑溜，最后一啖一口气吞下整个蛋黄，完美！食完温泉蛋，来个池鱼薄切，肉质鲜甜有弹性，每片鱼肉通透白净，入口爽脆，配少少青柠汁将鲜味进一步提升，精彩！ 薄切唔够喉？师傅接住送上几件厚切！吞拿鱼油甘香芳醇，帆立贝肉厚鲜甜，绝对无令我失望。另外仲有夏季时令嘅伊佐木刺身，颜色淡白，食落口感柔软渗出鱼脂香，最令人难忘就系边位部份，真系鲜味到晕！试过刺身后，寿司亦系预期中嘅水准，饭圑部份呈小椭圆型，握得好细好软，可见师傅手握技巧相当到家。食过几份鱼生同寿司后，紧接送上一碗热辣辣嘅吸物。吸物系椎茸汤，有别于浓味嘅面豉汤，椎茸汤入口鲜甜清新，相当好饮，如果能再加上汤叶或柚子皮就更精彩吸引...烧鲭鱼由于我唔太中意食，唔比意见，但朋友们都对此物赞不绝口，而我最中意就系右边腌得酸酸嘅莲藕片，如果有得散叫，来一客佐酒绝对一流...而另一个菜式，炸天妇
头盘先来个温泉蛋，闻落有阵阵柚子香味，蛋白望落虽然唔系通透晶莹，但食落蛋味香浓，口感相当滑溜，最后一啖一口气吞下整个蛋黄，完美！
食完温泉蛋，来个池鱼薄切，肉质鲜甜有弹性，每片鱼肉通透白净，入口爽脆，配少少青柠汁将鲜味进一步提升，精彩！ 薄切唔够喉？师傅接住送上几件厚切！吞拿鱼油甘香芳醇，帆立贝肉厚鲜甜，绝对无令我失望。另外仲有夏季时令嘅伊佐木刺身，颜色淡白，食落口感柔软渗出鱼脂香，最令人难忘就系边位部份，真系鲜味到晕！
试过刺身后，寿司亦系预期中嘅水准，饭圑部份呈小椭圆型，握得好细好软，可见师傅手握技巧相当到家。
食过几份鱼生同寿司后，紧接送上一碗热辣辣嘅吸物。吸物系椎茸汤，有别于浓味嘅面豉汤，椎茸汤入口鲜甜清新，相当好饮，如果能再加上汤叶或柚子皮就更精彩吸引...
烧鲭鱼由于我唔太中意食，唔比意见，但朋友们都对此物赞不绝口，而我最中意就系右边腌得酸酸嘅莲藕片，如果有得散叫，来一客佐酒绝对一流...而另一个菜式，炸天妇罗脆浆粉好薄，咬落去系听得见的爽脆，而且炸得唔油腻，值得一赞。其中甜度十足嘅蕃薯，更令人回味无穷。不过炸冬菇略嫌太干，味道差左少少...
套餐唯一俾你自己决定嘅系要热汤乌冬或者冻乌冬。由于天气闷热，我还是选择左冻乌冬。呢度做得唔错，每条乌冬都非常分明，弹牙爽口，食起上黎唔会糊口，非常喜欢。
甜品有多款雪糕选择，柚子，红豆，豆腐，芝麻任君选择，总有一款会满意吧～！老板另外再送上红豆烧年糕俾我地品尝，不过我挂住同老板倾计，年糕放凉左感觉差左啲，不过上面的红豆又的确相当讨好。
其实要喺香港揾一间日本餐厅食Omakase，好容易，但系唔系啱自己口味，真系要黎试下先知。呢度Omakase价钱有$400, $600, $800, $1000四个组合，今次大家所见系$400套餐，相信一睇就觉得值回票价吧！
张贴
