坂奈 (已結業)

对于放工饮两杯先回家既「受薪一族」，「受完一日气」梗系最好chill一chill，位于谢斐道、开业冇耐既居酒屋，这夜，仲比我遇到北海道一夜干添，真系饮得杯落咯！ 敞开纸门，就见到貌似TVB艺人谢东闵既帅哥阿豪(98%相似度)，这位料理长细心给我看看今夜既鱼鲜：鲭鱼、喜知次、银雪鱼、鲷鱼、沙甸鱼……话用黎送酒系绝配……拿不定心神既我，不如就好似日本人咁，交由板长发办，「老铜谢东闵，你话事啦！」 帅哥料理长介绍，用「一夜干」做法整条烧北海道花鱼过我叹，咩系一夜干呢？查实一夜干系日本北海道渔夫发明，用黎保存鱼既方式，先将鲜鱼剖开、清除内脏，浸泡于与海水浓度近似的盐水中，经一夜风干，让鱼肉风味鲜香，肉质更紧实。 八卦既我仲睇埋佢地个烤鱼炉，条花鱼以优雅的S型姿态，义在铁枝上，架在由下边数上去第2层烧呀烧……料理长话不同既鱼要放不同既层数，先啱数……差不多完成前，料理长再用火枪快速喷匀条鱼身，咁就更加皮脆肉滑…… 呢条花鱼一夜干真系相当滋味，火灸鱼皮香气四溢，肉嫩一丝丝，而且唔会死咸，送埋碗白饭、佐以大大粒鱼子、关东煑、蚬肉味噌汤和芥辣八爪鱼，再饮番杯柚子梅酒，味道「一番」！这夜，我要吃掉你的一