影片
更多
2011-10-11
7 浏览
上次888事件后，深深不忿！一于去达磨食返个靓拉面下下火达磨做既系九洲风拉面，即系直面条果只以特浓猪骨汤为主，配以盐、酱油、味噌或辣酱调味做汤底我叫左一个达磨一品豚骨酱油拉面老婆要左个叉烧豚骨辣味拉面再叫多一个南瓜饼，平时无既先黎我个面热辣辣既靓汤～浓浓既猪骨汤底香味～～忍唔住用返个日式食法，先大大声咁“𠽌”返啖汤入口～woo~~~正！猪骨味香浓，酱油又香，面既明太子亦为汤底加多唔少香味～再“𠽌”一口拉面～～wooooo~ 都系咁正！面质有弹性，加上浓浓既汤味～～正！睇睇D配料先我呢个有叉烧，嗱！ 唔系广东叉烧呀下！睇图先～绝对系正宗既日式叉烧五花腩卷出黎再用酱油煮既汤浸出黎～又松软，又香，又唔肥，因为大部份油已经迫晒出黎净返既“膏”又香又滑再睇睇豚角煮，其实呢个即系五花腩完件用酱油汤煮／炆出黎比叉烧更滑，因为肥既部份都会直接同个上汤接触乜油都已经必晒出黎如果豚角同叉烧要二选其一，我一定拣豚角煮！仲有半只糖心蛋，记住....呢只唔系温泉蛋......温泉蛋系连蛋白都生，一PAT野咁果D糖心蛋够入味，有淡淡既味醂香，唔太咸，GOOD！个蛋黄亦够生够滑，蛋白够企身，唔会黄生白又生果D...
一于去达磨食返个靓拉面下下火
达磨做既系九洲风拉面，即系直面条果只
以特浓猪骨汤为主，配以盐、酱油、味噌或辣酱调味做汤底
我叫左一个达磨一品豚骨酱油拉面
老婆要左个叉烧豚骨辣味拉面
再叫多一个南瓜饼，平时无既
先黎我个面
热辣辣既靓汤～
浓浓既猪骨汤底香味～～
忍唔住用返个日式食法，先大大声咁“𠽌”返啖汤入口～
woo~~~正！
猪骨味香浓，酱油又香，面既明太子亦为汤底加多唔少香味～
再“𠽌”一口拉面～～
wooooo~ 都系咁正！
面质有弹性，加上浓浓既汤味～～正！
睇睇D配料先
我呢个有叉烧，嗱！ 唔系广东叉烧呀下！
睇图先～绝对系正宗既日式叉烧
五花腩卷出黎再用酱油煮既汤浸出黎～
又松软，又香，又唔肥，因为大部份油已经迫晒出黎
净返既“膏”又香又滑
再睇睇豚角煮，其实呢个即系五花腩完件用酱油汤煮／炆出黎
比叉烧更滑，因为肥既部份都会直接同个上汤接触
乜油都已经必晒出黎
如果豚角同叉烧要二选其一，我一定拣豚角煮！
仲有半只糖心蛋，记住....呢只唔系温泉蛋......温泉蛋系连蛋白都生，一PAT野咁果D
糖心蛋够入味，有淡淡既味醂香，唔太咸，GOOD！
个蛋黄亦够生够滑，蛋白够企身，唔会黄生白又生果D....
伴菜仲有木耳，葱花，纸菜，明太子，用料都几好
木耳够爽口，葱花无大陆葱D臭青味
跟住到老婆个辣味汤底既拉面
十分贴心，本身跟多左一碟辣酱
服务员会同你讲，唔够辣可以自已再加
本身个汤已经加左辣
其实味道唔算辣，但好香，好有日本辣油既风味
之前喺京东买左樽辣油／酱，就系咁既香味
呢个要左叉烧，老婆马上后悔
一来豚角煮比较好食
二来估唔到叉烧拉面得块叉烧.........
其他配料同酱油豚骨汤底系一样既
基本上只有汤底同埋个肉系唔一样
我地试过加D辣酱落个汤度
个味感觉好唔同，但我觉得个辣味都系同出一彻
个辣酱就咁放入口食个味有D怪怪，只有辣椒香....小辣…无咸味既
有机会都可以试下，一汤两食
跟住到个南瓜饼
呢个就唔太特别
同出面既南瓜薯饼无乜大分别
炸出黎无索晒油，亦热辣辣
合格啦～～不过无得点出色.....
点都唔会有北海道食既男爵薯饼咁好食架啦....
顺带一题，呢度系免加一既～
张贴
