影片
更多
2009-03-11
3 浏览
呢几年都好少食鸡蛋仔, 来来去去都系食湾仔个间 (因为番工系个度), 其实我有时唔系好明, 系唔系一大堆排队, 唔理好唔好食, 都照样去排。 湾仔修顿球场个间系好食o既, 因为佢系即整的, d蛋浆又香, 而且食落去又脆, 味觉真系一流的, 但唔知点解好吃还好吃, 总系欠缺了一种感觉.. 直至吃了牛下的, 就知道原来系呢种感觉。小弟系九龙人 (正确系将军澳, 新界仔), 所以对对面海o既食物一向都唔系好熟悉, 反而九龙新界o既食物, 小弟系比较喜欢的。 其实九龙同新界o既食物, 好多时都有一种味 - 公屋味。我好难解释咩叫公屋味, 只系住系公屋o既人先会知道个种系咩味, 无住过o既, 小弟真系要说声抱歉。 牛下o既鸡蛋仔其实之前真系无试过 (即使咁多年成日经过都无试), 所以佢临别秋波时, 我竟然系第一次黎食, 好似有点儿那个.. 我唔知道系唔系因为呢度太多人讲呢间野, 而令佢一夜成名, 又或者系累积左咁多年o既熟客令佢咁出名。 但佢真系我咁多年以来食o既鸡蛋仔中, 最好食的一个。我唔知道各位第一次食鸡蛋仔系咩时候, 我第一次食鸡蛋仔系系睇戏前d小贩到买的, 个时o既鸡蛋仔系好香, 但唔
小弟系九龙人 (正确系将军澳, 新界仔), 所以对对面海o既食物一向都唔系好熟悉, 反而九龙新界o既食物, 小弟系比较喜欢的。 其实九龙同新界o既食物, 好多时都有一种味 - 公屋味。我好难解释咩叫公屋味, 只系住系公屋o既人先会知道个种系咩味, 无住过o既, 小弟真系要说声抱歉。
牛下o既鸡蛋仔其实之前真系无试过 (即使咁多年成日经过都无试), 所以佢临别秋波时, 我竟然系第一次黎食, 好似有点儿那个.. 我唔知道系唔系因为呢度太多人讲呢间野, 而令佢一夜成名, 又或者系累积左咁多年o既熟客令佢咁出名。 但佢真系我咁多年以来食o既鸡蛋仔中, 最好食的一个。
我唔知道各位第一次食鸡蛋仔系咩时候, 我第一次食鸡蛋仔系系睇戏前d小贩到买的, 个时o既鸡蛋仔系好香, 但唔系脆! 其实九龙呢边o既鸡蛋仔好多都唔脆的, 但系一定系好好食的。 但大个左, 完全无呢种「厚切」鸡蛋仔, 食o既入面都系一阵空气o既「薄片」鸡蛋仔。 厚切最大分别, 你系可以将只鸡蛋仔塞系个口好耐佢都唔会溶同林的 (因为本身佢已经系软身的了), 同埋会食到一层层好香o既蛋黄味。牛下呢间绝对做到, 呢d系正正宗宗o既屋村鸡蛋仔, 同对面海o既富豪鸡蛋仔系另一回事来。 话明系炭炉, 你唔可能做到完全无焦的, 但亦因为呢d焦先令我食得出佢o既好味之处。 细个阿妈阿爸见到呢d焦位, 会立刻唔比我食, 但其实最好吃o既地方就系个个焦位.. 而最令我觉得开心之处, 就系佢系大大粒的, 唔系其他的珍珠版, 咬落去系食番70-80年代个种感觉, 顿时变成了一个小学生那样。 如果旁边有一枝樽装妈妈奶, 简直Excellent..!!
太高评分了, 但只系10蚊底, 系80年代末价钱, 质素却是70年代的! 绝对值得一试。
张贴