名家韓國餐廳 (元宮閣)

营业中

休息中

年廿九晚上，选择到太古城名家食团年饭，其实以往经验，都明知呢间餐厅服务态度同埋食物都欠奉，但因为地方比较方便同唔系中餐，唔需要同人迫，所以除夕夜都选择咗呢间。一去到餐厅，第一个冲击就系竟然要将六人迫埋一个细细嘅卡位，其中一个人仲要系坐喺窗台嘅边挨住埲砖墙，就算三位女士，都真系仅仅坐得落（图一）跟住就叫餐嘅时间，另一个「惊喜」，就系本来想叫个「海鲜」香葱饼，但嚟到之后，真系以为嚟咗个素香葱饼，一丁点嘅海鲜都唔见，我谂都唔需要多讲，有图有真相，简直系违反商品说明条例(图二及图三）找职员来查询，职员话因为啲海鲜剁碎晒，所以唔见，但真心，就算整开个葱饼，除非佢将佢搞到变哦蓉，但系实在一丁点切碎咗嘅海鲜痕迹都系见唔到嘅。总结，服务差之余，如果唔系因为地点，真系唔会选择嚟呢度。