鮨見 (已結業)

最近工作有点失意， 放工都冇兴趣揾啲朋友吃喝玩，决定自己一个揾好嘢食。今次就试下豪啲， 厨师发板， 过去喺香港其实都食过， 不过点都觉得唔及日本嘅好。 今次呢间以家庭小店作主题入到去真系以为去咗一个日本人嘅屋企。 而师傅更加系东京人。 佢用佢嘅简单英文加国语为我介绍。前菜， 渍物八爪鱼，个味道有趣既。蒸蛋内有瑶柱同，杂菇， 味道清新，个蛋够滑。金目鲷寿司，深海池鱼寿司，拖罗寿司，鲷鱼真鲷寿司，左口鱼寿司，带子寿司，生蚝寿司，海鳗寿司，马粪海胆寿司，带鱼寿司， 寿司每次一件一件咁上， 味道方面 ，都系师傅选择去认为最佳嘅材料， 系新鲜嘅， 但系我最惊喜嘅， 系今次食寿司发板， 好似睇咗一场真人表演咁。 味噌汤，普通啦，最后自家制豆腐雪糕， 作为一个甜美嘅终结 ，真系啱啱好。价钱上面， 唔算平， 但系食完之后， 我嘅心情放松咗， 好似用钱揾咗一个大叔同我倾计咁。