倫哥尚品火鍋私房菜 (已結業)

听朋友介绍西环、元朗分店都好正，见尖沙咀开左，仲要贵价d,一于试下。由于新开，电压唔够，坐房有电磁炉系度，但就要系上面用gas炉，仲要开2张大枱，开头都仲ok,后来四个gas炉同开，真系又焗又热，同大厅差好多度温差，有bbq 既感觉。呢方面真系接受唔到。鸡煲本身OK，其实几好食，刺身都唔错，食完之后想打边炉就出事了，等左成个钟都冇汤锅，但系火㖞配料就上晒，d海鲜摆到出晒水。不停叫伙计跟进都冇帮助，人只有不断干蒸，好似做桑拿。配料只有不断出水，之前果d几好味都冇用。一定要改善上菜时间。最后热到完全食唔到，未食晒要走人，服务又唔好，只叫我地等。开头又唔肯调我哋出大厅，买单先来叫我地出去坐，真系好失望。加上啲嘢又唔系特别新鲜，但价钱又贵左（$350一位），同其他分店差好远，唔怪得有人怀疑呢间系咪叫伦哥。大家自行判断。以上不是想抺黑，是真实食后感。希望会刊登及认真改善。