影片
更多
2014-01-22
843 浏览
我呢位有两个细路既家庭主妇，每日只有lunch hour系属于私人时间，紧要好好享受吓！之前经过见佢装潢好似细个去街市d大排档,今日就专程去帮衬!汤底有两款,鸡汤配鸡丝同鱼汤配烧鹅,$20一碗,我拣左鱼汤配油面!另外再加辣酒花螺$10,胡椒猪肺$8,冬菇$8鱼汤其实系大地鱼煲既汤底,清甜唔喉,烧鹅肉嫩多汁,足以令我谂定下次帮衬,一定要拣米粉索汤!另加既𩠌分开碗上，胡椒猪肺重胡椒味，冬菇细细只，软滑入味花螺充满酒香，螺肉鲜甜，令人不顾仪态要啜埋入面既汤汁！价钱虽比一般车仔面贵，但有质素，有特色，几时会谂过车仔面会有花螺？！识得将𩠌分开上，唔会影响到汤底味道，骢明！完成满足既一餐，叉足电去揍细路！
之前经过见佢装潢好似细个去街市d大排档,今日就专程去帮衬!
汤底有两款,鸡汤配鸡丝同鱼汤配烧鹅,$20一碗,我拣左鱼汤配油面!另外再加辣酒花螺$10,胡椒猪肺$8,冬菇$8
鱼汤其实系大地鱼煲既汤底,清甜唔[确]喉,烧鹅肉嫩多汁,足以令我谂定下次帮衬,一定要拣米粉索汤!
另加既𩠌分开碗上，胡椒猪肺重胡椒味，冬菇细细只，软滑入味
花螺充满酒香，螺肉鲜甜，令人不顾仪态要啜埋入面既汤汁！
价钱虽比一般车仔面贵，但有质素，有特色，几时会谂过车仔面会有花螺？！识得将𩠌分开上，唔会影响到汤底味道，骢明！
完成满足既一餐，叉足电去揍细路！
张贴
