影片
更多
2010-04-08
13 浏览
5-4-2010上两个星期去日本都无食吉列, 是日 dinner 喺朗豪坊无乜心水, 反而求其入了呢间食评麻麻的吉列猪专门店.先嚟烟肉芝士丸 ($28) share 食... 其实系乒乓形, 混了碎烟肉的吉列薯蓉球, 够热够脆, 食落无油, 薯蓉香滑, 不过烟肉唔够咸香, 芝士味就完全食唔到, 可以更好的.主食拣了「吉列黑豚柳 + 广岛蚝定食」($148), 跟前菜, 「冷稻庭乌冬」(加 $10) 及味噌汤:-前菜系胡麻酱冷豆腐, 冰冰凉凉的豆腐够滑溜, 胡麻酱酸酸甜甜又几香芝麻味, 几开胃的开始.先食吉列蚝, 炸皮有点厚, 不过炸得几松脆又唔油, 蚝肉几多汁, 味道唔算鲜浓, ,不过唔 in season 嚟讲, 质素都算系咁了.再食吉列黑豚柳, 呢个炸皮较薄脆, 唔油, 不过都有点「甩皮」的情况出现; 猪肉质地硬净, 食落几硬, 亦有点太干, 唔蘸酱汁 (见下文) 真系食唔到.台上就供应 (1) 梅子 (?), (2) 青瓜及 (3) 蒜蓉 3 款酱汁... 最喜欢 (2), 卖相麻麻, 但实在好香青瓜味, 食落酸酸甜甜, 清新之余感觉又无咁热气, 正 结果系倒了大量呢只汁落
上两个星期去日本都无食吉列, 是日 dinner 喺朗豪坊无乜心水, 反而求其入了呢间食评麻麻的吉列猪专门店.
先嚟烟肉芝士丸 ($28) share 食... 其实系乒乓形, 混了碎烟肉的吉列薯蓉球, 够热够脆, 食落无油, 薯蓉香滑, 不过烟肉唔够咸香, 芝士味就完全食唔到, 可以更好的.
主食拣了「吉列黑豚柳 + 广岛蚝定食」($148), 跟前菜, 「冷稻庭乌冬」(加 $10) 及味噌汤:-
前菜系胡麻酱冷豆腐, 冰冰凉凉的豆腐够滑溜, 胡麻酱酸酸甜甜又几香芝麻味, 几开胃的开始.
先食吉列蚝, 炸皮有点厚, 不过炸得几松脆又唔油, 蚝肉几多汁, 味道唔算鲜浓, ,不过唔 in season 嚟讲, 质素都算系咁了.
再食吉列黑豚柳, 呢个炸皮较薄脆, 唔油, 不过都有点「甩皮」的情况出现; 猪肉质地硬净, 食落几硬, 亦有点太干, 唔蘸酱汁 (见下文) 真系食唔到.
台上就供应 (1) 梅子 (?), (2) 青瓜及 (3) 蒜蓉 3 款酱汁... 最喜欢 (2), 卖相麻麻, 但实在好香青瓜味, 食落酸酸甜甜, 清新之余感觉又无咁热气, 正 结果系倒了大量呢只汁落 d 生椰菜丝上当沙律食 自行磨芝麻后再洒落酸多过甜的 (1) 内, 蘸吉列同吃, 都几好食; (3) 就够晒香 garlic 味, 但食完个口劲臭, 还是 stick to 青瓜酱好了.
味噌汤落了点猪肉, 仲有大量蔬菜, 饮落清甜又带点「住家」feel, 百分百简单就是美
「冷稻庭乌冬」就系衰收尾之作... 「扮」稻庭乌冬都算, 最弊系佢质地太「粉口」, 似足 undercooked 的超市货色 面汁就似足 1 豉油比 49 水, 淡到呢 , 加了 wasabi 及葱花都于事无补, 早知食白饭就算.
朋友食招牌「芝士吉列千层黑豚定食」($148), 跟前菜, 味噌汤及白饭:
试了一件「千层黑豚」... 点「千层」法无从考究, 不过肉质一定比我的黑豚柳嫩腍得多, 食落松化多汁, 几好食㖞; cheddar 芝士肉眼睇得见, 食落却唔太够味, 有点可惜.
又试了少少白饭, 几饱满黏韧, 米香亦比想像中浓, 又几认真㖞
食物 ok, 环境装修亦几「日式」, 卡位阔落好坐, 印象不错的.
连加一每人 $185 埋单, 虽然唔算超级好食, 但绝对唔值咁多喊面 (不过呢度始终系旺角, 又唔系 e.g. 三文鱼刺身专门店或「149 吃到饱」style 的放题店, 多喊面都唔出奇的), 而且喺旺角区实在难得, 可以一试的.
张贴
