影片
更多
2019-02-11
1204 浏览
上网见某大平台经常卖广告讲到好正好好玩，又有啲似日本某间钓鱼餐厅，遇着我哋一班人想食开年饭，又有大人又有细路即管去试吓啦！一行15人定好人数我哋就打电话book订枱，经过15至20次到嘅不停redial好好彩我哋终于打通电话book到枱!有心去食嘅朋友要有心理准备最少几十次电话☎️你就有机会会book到一张枱好似买演唱会飞咁不停重拨年初五食团年饭我哋book咗8:30pm ，餐厅旁边就有停车场泊车都算几方便，温馨提示：揸车嘅朋友呢间餐厅系冇free parking我哋有朋友早到左谂住早啲去攞定枱，点知当其他朋友都到齐嘅时候先发现我哋成班朋友仲喺门口度等紧位㖞！早到系冇用㗎！最终我哋入座嘅时间系8:45pm!Book咗枱都要等？！如果冇book枱我唔敢想像要等几耐！入座嘅时候经过左一只船，经过好多嘅鱼缸，一条长长嘅走廊去到尽头就系我哋嘅位置啦！系一间木板间开咗嘅房仔，房入边有个窗打开个窗就系钓鱼嘅位置，私隐度都够嘅！但系当你打开咗房门嘅时候就不停会有客人行入嚟睇吓你间房到底系点样！入到房餐厅职员问我地系咪需要钓鱼🎣当然我哋梗系要问钓鱼要唔要加钱啦！钓鱼唔使加钱，但系鱼饵系$20一份，鱼饵只
又有啲似日本某间钓鱼餐厅，
遇着我哋一班人想食开年饭，
又有大人又有细路即管去试吓啦！
一行15人定好人数我哋就打电话book订枱，
经过15至20次到嘅不停redial
好好彩我哋终于打通电话book到枱!
有心去食嘅朋友要有心理准备最少几十次电话☎️
你就有机会会book到一张枱
好似买演唱会飞咁不停重拨
年初五食团年饭
我哋book咗8:30pm ，
餐厅旁边就有停车场泊车都算几方便，
温馨提示：
揸车嘅朋友呢间餐厅系冇free parking
我哋有朋友早到左谂住早啲去攞定枱，
点知当其他朋友都到齐嘅时候先发现
我哋成班朋友仲喺门口度等紧位㖞！
早到系冇用㗎！
最终我哋入座嘅时间系8:45pm!
Book咗枱都要等？！
如果冇book枱我唔敢想像要等几耐！
入座嘅时候经过左一只船，
经过好多嘅鱼缸，
一条长长嘅走廊去到尽头就系我哋嘅位置啦！
系一间木板间开咗嘅房仔，
房入边有个窗打开个窗就系钓鱼嘅位置，
私隐度都够嘅！
但系当你打开咗房门嘅时候
就不停会有客人行入嚟睇吓你间房到底系点样！
入到房餐厅职员问我地系咪需要钓鱼🎣
当然我哋梗系要问钓鱼要唔要加钱啦！
钓鱼唔使加钱，但系鱼饵系$20一份，
鱼饵只系有六条左右嘅虾毛仔，
黎左一份干争争好似发晒霉咁，
餐厅职员话俾我哋听由于而家餐厅客人人数太多
我哋15个人只系可以有一支鱼竿钓鱼
成间房10几个人围住一支鱼竿？！
成班人围住一个细窗去钓鱼一啲都唔好玩啰！
仲要啲咁嘅鱼饵咩鱼会食㗎？！
各位如果想帮餐厅喂鱼买一兜都可以既！
不过就算你掉哂落去个鱼缸度，
啲鱼完全眼尾都唔望你啲鱼饵，
完全唔觉得啲鱼肚饿啰！
当你钓到鱼嘅时候餐厅会有职员敲锣打鼓，
仲要支鱼竿其实系一条又幼又短嘅胶鱼竿，
仲衰过小朋友啲玩具
钓到大鱼都唔够力拉上黎！
21:15俾鱼竿，22:15话收竿
其实期间呢段时间
大家都系挂住食嘢都冇乜点钓过鱼
跟手就话收竿啦㖞
算啦！根本就钓到嘅机会系好微！
食成餐饭都系响过四至五次大锣大鼓
见到隔离房直情系勾住个鱼鳃将条鱼钩上嚟
根本就唔系钓到冇技术可言
餐厅职员讲解成个鱼缸入边大概有五款鱼，
每一款鱼都有唔同嘅价钱，
平均月嘅价钱系有$200至$500不等，
当你钓到条鱼嘅时候就要俾钱啦！
餐厅职员亦都解释当你钓到嘅鱼系必须要「要」，
唔可以就咁掉返落鱼缸唔可以简鱼！
因为你钓嘅时候会勾栏左条鱼个嘴，
掉返落鱼缸条鱼系会死，
所以条鱼你系必须要买左佢，
条鱼你可以选择生食或者熟食
生食系冇加工费，即系刺身啦！
熟食一条鱼嘅加工费系$80！
哗！样样都系钱
到底我应该想自己钓到定想自己钓唔到鱼呢？！
大家留意番
我哋坐低嘅时候职员就会解释俾你听
佢哋呢间餐厅系用QR code点餐嘅
就会叫你攞部可以数QR code嘅手提电话出嚟
扫左QR code就可以做点餐呢个动作！
咁如果老人家冇智能电话咁又点点餐呢？！
10几个人围住一部电话去点餐都几好笑，
手机点餐大家留意番系冇图睇㗎！
跟住有其中一个职员见我哋点餐点得咁辛苦
就喺厅度攞咗一部iPad入嚟
俾我哋做点餐呢个动作
即时方便左好多啰！
但都我哋点完一转之后
部iPad就比职员收走咗
话有第二间房需要用㖞！
我哋在三催四请佢先至再攞返入嚟俾我地用！
餐厅职员见到我哋一行咁多个人，
带咗我哋入房之后就介绍我哋，
佢话间间房都唔介绍
见我哋咁多人就介绍我哋食㖞！
介绍左今日最新鲜返到嘅象拔蚌
用黎做刺身
职员仲话只系返咗三条每一条有前手臂咁大条
我哋听到咁大条咁多个人应该够分啦！
就问职员到底几钱一条
一条系$1280有前手臂咁大条
仲用手大概展示咗个长度俾我哋睇！
我哋见到咁长咁大条！
咁应该够食啦就二话不说就order左一条
由于我哋坐𠮶间房两张枱系唔可以合埋
所以我哋就叫职员将象拔蚌分两碟上菜！
期间亦都叫咗好多唔同嘅食物
全部都系叫上分分两张枱放！
当呢一份象拔蚌刺身上菜嘅时候
我哋就知道「中伏」
$1280嘅象拔蚌分咗两碟之后
每一碟只系得10条8条？？？
哗！唔系啊嘛！
每一次我哋叫象拔蚌刺身
都会有埋个胆放系个碟度但系今次系冇㗎，
我哋就叫咗介绍我哋食好嘢呢一位餐厅职员入嚟
点解会咁得咁少？！
问佢我哋个象拔蚌胆去咗边，
呢位职员亦都好乐意好热心咁
嗱嗱声走咗去厨房攞返个胆入嚟！
哗！个胆入拎到入黎只系得个壳嘅三分之一大小，
职员强调象拔蚌做刺身嘅时候
必须要过一过热水象拔蚌就会缩细，
但系点会有一个前手臂嘅长度缩到去一个只有手掌嘅大小呢？？？
哗！真系长知识啊！
我哋食咁多次象拔蚌都未试过缩水熟得咁严重！
咁佢过呢一个热水都将条象拔蚌过得几熟下㖞！
严重缩水！严重缩水！严重缩水！
职员再三强调并没有偷龙转凤并没有打猫！
跟手个职员就问我地个胆谂住点处理，
就想起轻轻带过左缩水呢个问题！
我哋就问返个职员可以点处理？！
个职员就介绍我哋用个象拔蚌胆来做一个面鼓汤，
但职员亦都有讲解呢一个胆做面鼓汤只系够八个人嘅份量我哋有15个人但系你做得8份？
哗！就算只系得八个人嘅份量
你做都要做返15个人既分量俾我哋啦！
我哋点够分呀？！
职员表示话做多几份会唔够味道
咁唔够味道你未落多啲面鼓落去啰！
面鼓请问值几多钱呀？
跟手朋友就问佢几多钱加工费？
如果要在收钱我哋梗系唔整啦！
职员就表示为表歉意
佢将呢一份面鼓汤加工费free俾我哋！
free俾我哋？但系个象拔蚌胆系我地俾左钱架㖞！
$1280买到一只街市只系值$300 $400嘅象拔蚌
仲要讲到好似好好送个汤俾我哋？！
其实绝对系揾笨啰！
我地绝对系吃货，
每次一大班人食嘢
我哋绝对唔会叫得少
绝对唔会嫌贵......
但我哋绝对唔系水鱼
喺朋友再三嘅追问底下
呢位职员离开咗房间，
我喺窗向外望见到呢一位职员行左出厅
同一位身穿便服嘅男士倾左一阵之后
系我哋再三催促嘅情况底下佢就返番入黎同我地讲我哋解释老板已经睇过厨房既闭路电视
厨房嘅同事绝对没有偷龙转凤绝对没有打猫，
你咁讲即是唔肯承认责任啦！
新年流流坳都无谓，但系绝对系不能接受！
当所有嘢嚟齐晒嘅时候，
我哋其中一位朋友感到非常之不满意，
然之后我哋就再次叫呢一位介绍我哋食好嘢嘅职员入嚟我哋嘅房间里面，
我哋嘅朋友表示餐厅仲有两条象拔蚌都要晒佢
（你哋可以放心我哋系一定食得晒唔会浪费食物）
你叫厨师再片一条出嚟，
我哋即场系你面前片一条出嚟，
我哋呢啲外行人片出黎都多过你地大厨片出嚟嘅份量嘅话必须要你哋承认责任！
然后呢佢职员笑笑口咁话我哋嘅厨师非常之忙碌
冇时间出嚟片俾你地睇
但系你呢一番说话
我会一字不漏咁重复讲俾我哋嘅老板听，
与此同时呢一位职员就离开咗我哋嘅房间，
正所谓刘备借荆州，
当然呢一位职员系一去无回头啦！
食咁多间象拔蚌刺身呢间系绝对呃钱！
大家可以睇返相，有图有真相！
我哋除咗叫左象拔蚌刺身之外
仲叫咗好多唔同嘅小食每一份小食
都系叫上分分两张枱上菜，
但系你问我有边一样特别出色，
有边一样令我特别印象深刻，
我可以讲「有」
就系我见到天妇罗嘅时候，
我见到有一旧系橙橙地色就心谂一定系南瓜🎃
就夹起黎食，
一食，哗！我的天到底是什么东东！
入面鞋霎霎冇味道！
再细心啲望真啲原来系一旧天妇罗三文鱼🍣
呢个配搭真系十级难食仲要成旧都鞋霎霎，
最后买单成为$6258
10几个人食六千几蚊野唔计小朋友啦！
2个人食八千几蚊我都试过...
讲到食好西我一啲都唔会悭...
呢间嘢食水评仲衰过食自助餐
如果有心做日本野麻烦请用心做
你抄到日本船屋外表
但抄唔到人地既好服务
抄唔到食物水准
连最基本嘅食物份量都要厄人咩？！
香港人去日本其实好近好易架
真系当人哋系傻仔呀？！
呢间野可一不可再
呢间野可一不可再
呢间野可一不可再
张贴