普洱

营业中

休息中

因为有通心米线特登过去荃湾食，星期五晚市要排一阵队不过好快有位。职员都好快手，但得两个人做嘢，可能真系太忙所以态度麻麻，而且卫生情况欠佳，左手拎执枱嘅筷子，右手拎清洁碗筷。叫咗一个滇酱骨加五花腩通心米线酸辣汤底，酸辣汤底似系咸酸菜出水再加辣油，肉有色但冇肉味，滇酱骨得一旧仲要又干又硬，小部分通心粉线有啲唔熟吸唔到汤。另一个炒杂锦通心米线，材料有：四片猪肉得手指公前段咁大其中一片仲有酸味，不能下咽；唔知点解有酸菜；好似头发幼咁嘅红萝卜丝；一啲细但无切嘅黄芽白。冻朱古力普洱=维记朱古力奶加冰唯一可以赞系上菜好快，炒米线底有镬气。但绝对唔会再帮衬。