甜記餃子

营业中

休息中

比起长沙湾总店，旺角分店嘅装修清新啲现代感啲，冇咁似old school饺子店，连侍应都好似年轻啲。平日6点已经满座，7点去到要等30分钟，可想而知甜记几好食。*南瓜忌廉鸡肉饺+粟米芝士鸡肉饺 蕃茄薯仔鱼汤 $42蕃茄薯仔鱼汤可以话系最多人拣，中汤清淡为主，鱼味极淡，蕃茄味浓。蕃茄煮到软腍，有几块飘浮紧。薯仔已经煮到变蓉，比例较蕃茄少，所以冇薯仔汤𠮶种沙沙口感。香芹芫荽猪肉饺+洋葱牛肉饺 鸡汤 $42鸡汤失色啲，唔够香之余，鸡味过淡，有种唔自然嘅感觉，但绝对冇味精。南瓜忌廉鸡肉饺每一粒汤饺都好大只，而且皮薄馅靓，非常足料。南瓜蓉非常腍，但甜度比蕃茄汤盖过咗，忌廉奶味淡，鸡肉份量唔多，但肉质新鲜。馅料比较散，唔太维持唔到饺子形状。粟米芝士鸡肉饺一咬开卜卜声，系饱满嘅粟米喺口入面爆开，甜粟米加埋新鲜鸡肉嘅鲜甜，整体无论口感定味道都好丰富。芝士份量唔多，我觉得芝士奶淡先可以食至呢个饺子嘅鲜甜。香芹芫荽猪肉饺芹菜比芫荽浓郁好多倍，基本上食唔到芫荽味，芹菜味道非常特出但有啲啲渣，猪肉新鲜冇腥味，但肉味同样俾芹菜味盖过左，可惜。