大丸和風食堂 (已結業)

Wed 1st Nov 晴通菜街嘅又一选择11月1号 星期三 ‘2023 晴今日立心要喺通菜街呢个卧虎藏龙嘅地方揾食。呢间 大丸和风 个铺好大，装修简洁，都算系干净企理，地方阔落，坐得几舒服。餐牌全部都系大路嘢，走平实路线，好似要同争先硬斗硬。佢哋有一系列$9寿司，货真价实童叟无欺，what you pay what you get。自己用QR code落单，慢慢叫慢慢食慢慢倾，喺旺角闹市中都算系一个选择。叫咗个切角鱼生丼，实而不华。三文鱼系OK嘅，切得都几厚，部位都几肥。火焰带子，同埋火焰煆，都系即场火焰，只碟仲系暖暖哋。火焰出嚟嘅㶶味都几出，恰到好处。