日和号壽司料理 (已結業)

因为要买儿童嘢做圣诞礼物，于是喺巨盒八至十楼徘徊。十楼餐厅多以日系为主，周旋喺铁板、咖哩饭之间，最后都系拣番隔咗都一年几后、依家先第二次嚟食嘅日和号。贪佢列车车箱装修够氹细路之余，啲梳化卡位够阔枱又够大，重点系佢礼拜六晚都居然仲有页半价寿司🍣刺身餐牌俾客拣。先嚟杯生碑，$48同个保温茶壶差无几咁大，清啤咁唔涩，算抵饮。差不多全车尽佢啲半价嘢，除咗冇赤贝、马刀贝拣之外，其余常见款都齐，亦有左口鱼😋，新鲜度都同其他一般寿司日食大同小异，系份吞拿鱼寿司，浅粉红色，食起来似打碎吞拿鱼肉再用机压番实嘅感觉，唔同刺身原片有少少筋嘅口感或腩碎军舰𠮶种松散。儿童餐$58都算抵食，当晚冇雪糕改咗泡芙两粒。临尾忘记去收银隔离扭蛋（有嗌儿童餐就送一次扭蛋机会）。