鼎皇臭臭鍋 (已結業)

星期一返一日就放假, 上星期已经约定两个老友一收工就睇我地期待已久嘅英雄电影, 由于赶睇戏时间唔多, 我地收工直接约系尖沙咀呢间集合后就直接黎呢间鼎皇臭臭锅 养生锅集合, 速食返餐新开张嘅台式臭臭锅。😋我地7点未到就到餐厅, 由于未到繁忙时间, 客人不多, 餐厅装修以木, 黑色为主, 几有格调, 餐厅主打臭臭锅及养生锅, 我地点左三款唔同嘅锅同埋卤肉饭share食。招牌臭臭锅 汤底唔算太浓, 不过材料非常丰富, 而且竟然有香港好少会食到嘅米血糕同鸭血, 非常有台式风味, 臭豆腐都几滑, 味道唔错, 另外猪大肠爽口弹牙值得一赞。👍药膳羊肉锅羊肉上枱时仍然系生的, 锅滚之后食, 熟度刚刚好, 羊肉嫩滑, 配药材味汤底, 加上冬菇炸枝竹等配料, 味道层次丰富。黑豚肉蕃茄锅呢款锅感觉几日式, 黑豚肉, 蕃茄, 鸣门卷, 豆腐, 粉丝配搭唔错。卤肉饭边食锅物边食呢个卤肉饭, 再饮埋杯台式饮品, 呢餐好有系台湾嘅感觉。😆红枣桂圆杞子茶香芋珍珠奶茶