冬蔭公公 (已結業)

今日响呢头收工, 随便揾间餐厅医肚, 呢间冬荫公公响其他分店食过, 够平又OK, 一于再食.要个鱼汤檬粉, 加猪颈肉. 鱼汤鱼味非常浓郁, 钟意食鱼一定钟意, 饮落唔油, 好似饮鱼汤感觉.檬粉几爽口, 唔会太腍. 猪颈肉够嫩, 唔洗加钱既配料仲有萝卜, 金菇, 最喜欢索晒个鱼汤咁食, 好鲜味.加埋炸鱼皮, 脆卜卜唔油腻, 够香口, 浸落D汤度食都好好味.另要左3串鸡串烧, 鸡肉涨卜卜够饱满, 肉质嫩滑唔鞋, 烧得几香口. 最正系个沙爹汁稔稔地, 可以挂满串串烧, 唔会太辣, 仲好惹味.