而打淥滷汁拌粉 (青衣城2) (已結業)

今日收工赶去青衣城睇戏，去到仲有小小时间未开场，又有d肚饿，见到呢间几特别，庙口两个字又的而且确令我心痒痒，想起台湾夜市。决定嚟个速食。餐牌大致分为三大类: 台式加热卤味，台式麻辣烫同台式凉拌，每款都有几多配料可选，加上装修布置，真系有几分站立台湾街头夜市，面对花多眼乱，琳琅满目嘅小食，一时间唔知食咩好嘅感觉。最后，我地拣左卤水汁嘅要高丽菜($12)、杏鲍菇($16)、花枝丸($16)、甜不辣($16 )再配埋蒸煮面($14)。另外凉拌简单d，剩系拣左夺命凤爪($16)、配台南粿($16 )。 两款相比，卤水汁嘅味真系比较浓味，由𩠌菜到面，味道都较浓郁。值得赞嘅系，汁料伴得非常均匀，每啖都食到一样嘅浓味。而面质，蒸煮面似阿波罗食果d即食捞面，鬈鬈、较软身嘅面条较索汁料，入口较香浓；而台南粿，面身似乌冬，刀削面嘅面条，比较硬身、有口感。配菜方便，高丽菜够爽脆；花枝丸、杏鲍菇同甜不辣都非常入味，每啖都食到浓郁嘅卤水汁味。而夺命凤爪则非常爽弹，有嚼劲。整体而言，两个人大约$100，能食到多款𩠌料，加上面底份量非常大份，足以饱腹满足。