樂園魚旦專家 (淘大商場1期)

营业中

休息中

收工赶住返企凑小朋友，就念住系楼下买碗云吞鱼蛋河外卖返去快食，落完单，5分钟就拎得，好有效率，外卖份量都唔少，有3粒大云吞同3粒大白鱼蛋。云吞皮好薄，好滑，入面有原只新鲜大虾同少少猪肉做内馅，食得出虾既鲜味同肉质爽口，猪肉碎切得好细致，每一啖都好丰富多汁，而白鱼蛋就非常弹牙，有到淡淡既鱼香味，配合清汤更加带出鱼既鲜甜，河粉系比较幼身，但份量好多，一个人份量黎讲算好大方，另外会送一包自家制辣椒油，我落左少少，好够辣，令到碗汤粉又多一种层次既享受，以47蚊黎讲，我觉得好抵食，又够饱，认真唔错👍。