貴族蛋糕

营业中

休息中

临近父亲节，想话买个蛋糕同老豆庆祝。问佢钟意食边间饼店，佢话佢以前系太子返工成日食呢间贵族蛋糕既面包同曲奇，啲料好靓又唔贵。于是我就决定整个惊喜过佢，预先黎呢度订蛋糕，佢呢排又兴起食鸡game, 就顺势整个食鸡蛋糕氹下佢欢喜。个蛋糕真系好得意，足两磅入面系水果蛋糕。海绵质地既蛋糕食到超香蛋香味，而且好软熟。比起出面潮牌饼店，呢度一磅都系$270，我订呢个足两磅水果海绵造型蛋糕$540，出面一定唔止，觉得老牌蛋糕店都有佢好处。我见到日本芝士蛋糕$24一个咁平，而且得返最后一个，就要埋佢。一食落口味道好惊喜，系真！系！好！好！味！淡淡芝士味同松软蛋香味配合得超好，重点系佢仲好有水分，唔系焗到干身晒既焗蛋糕。唔怪得之得返一个，$24咁平我下次要扫多两个请埋同事食！老板娘推介我食埋呢个日本士多啤梨雪莓娘，佢入面有一粒士多啤梨，加上cream 同一层薄薄既海绵蛋糕，上面铺上一块糯米皮，口感好似食紧雪米糍蛋糕咁，好好味。老豆无介绍错，决定下年母亲节再系度订。