陳儀興尚潮樓 (英皇道)

营业中

休息中

屋企人早几日话想食潮州菜，我就记得我之前去过呢一间位于鲗鱼涌嘅餐厅，叫「陈仪兴尚潮楼」。今次再去同屋企人都觉得几满意。首先食左个咸酸菜同埋饮咗啲功夫茶。一开始就上左两个汤品同前菜，两款都有唔同嘅特色。首先，我哋叫咗一个潮州名菜「护国菜」。其实我自己本身都唔知护国菜系咩，净系见佢绿得好深色觉得佢几特别！但饮落去佢嘅汤底鲜美浓郁，问返个店员原来先知道系用菠菜去整。我哋仲叫咗个咸菜花蛤汤，个花蛤汤味道鲜甜，汤里面嘅咸菜同花蛤好夹仲加埋番茄，增添了汤品嘅层次感。就前菜方面，我叫咗一个海蜇头。呢个海蜇头真系好特别！佢有独特嘅麻油香气，令人食得好过瘾。个口感超爽脆，同时又带点清爽。正呀！到左主菜方面，我哋叫咗一份手工菜个名叫石榴蟹同埋干瑶柱春菜煲。石榴蟹嘅制作方式非常精致，蟹肉鲜嫩多汁，上菜仲整到好靓添。而干瑶柱春菜煲嘅组合亦十分出色，瑶柱鲜香，春菜爽脆，汤底浓郁，入口滋味丰富。妈妈呢一餐都食得好满意，我见到佢个餐单入边仲有好多唔同嘅菜式，希望下次可以试吓其他嘢啦。