阿來泰式地道風味 (已結業)

今日同朋友去咗长沙湾地铁站，行出嚟冇几远嘅一间泰国菜馆， 门口都人山人海，要等到十五分钟先至可以入到去。一坐下来见到好多人都叫海南鸡，好自然就叫咗个海南鸡饭， 我就拣咗用油饭。 跟住就嗌咗个蒜蓉炒通菜再加多个泰皇咖喱炒大蚬， 整多个椰青水！好肚饿，首先食过海南鸡全部冇骨啲肉又够滑，猪油饭又啱啱好份量， 但我好肚饿好似唔系好够食添！蒜蓉炒通菜炒得好香，味道啱啱好又唔会太咸，有劲多蒜蓉啱晒我呢一个蒜蓉控。跟住就系个泰皇咖炒大蚬，热辣辣用煲仔上好香，闻到佢落咗啲椰汁，感觉似曾相识，我自己净系食早一嚿，全部畀我朋友食晒。不过我都唔执输，饮番个椰青，又新鲜又清甜，解渴非常，正！