影片
更多
2018-05-18
999 浏览
一入口门就俾呢幅巨型书法吸引住，好有气派！好快就有店员过黎安排我地入座。我地啱啱好坐左最后一张枱，之后上黎嘅都要等位噜，真系好好彩！环观四周，竟然系外国人帮衬多！睇黎四姐都几出名下。2人可选两款凉菜，三款热菜。我地拣左口水鸡、蒜泥白肉、椒盐虾、回锅肉同埋酸菜鱼。第一道黎嘅菜系重庆口水鸡，鸡肉嫩滑，就算系鸡胸都唔会鞋！虽然好多红油，但只系带微辣，仲有淡淡嘅麻油香，作为开胃小食非常唔错！第二道菜系蒜泥白肉，猪腩切得够薄，煮到仅熟，配蒜泥葱花一齐食，十分惹味！推介！第三道系川式椒盐虾，中虾炸到脆卜卜，可以连埋壳一齐食，送酒一流！第四道系酸菜鱼，估唔到两个人佢都上咁大盆俾我地！鱼肉大大块兼无骨，仲要超级滑嫩，完全唔腥。汤有浓郁嘅鲜味，同埋酸菜超级夹，饮左好多碗都唔会厌，正！底下仲有好多粉丝，索晒汤底嘅精华，真系一流！第五道系川式回锅肉，辣辣地几惹味。唯一美中不足嘅系部份腩片炒过火，有啲硬。奉送的蒜蓉炒油麦菜，菜叶嫩绿新鲜，营养均衡。四姐川菜整体的水准认真唔错！全晚座无虚席，下次黎会记得先订位！
一入口门就俾呢幅巨型书法吸引住，好有气派！好快就有店员过黎安排我地入座。
我地啱啱好坐左最后一张枱，之后上黎嘅都要等位噜，真系好好彩！
环观四周，竟然系外国人帮衬多！睇黎四姐都几出名下。
2人可选两款凉菜，三款热菜。我地拣左口水鸡、蒜泥白肉、椒盐虾、回锅肉同埋酸菜鱼。
第一道黎嘅菜系重庆口水鸡，鸡肉嫩滑，就算系鸡胸都唔会鞋！虽然好多红油，但只系带微辣，仲有淡淡嘅麻油香，作为开胃小食非常唔错！
第二道菜系蒜泥白肉，猪腩切得够薄，煮到仅熟，配蒜泥葱花一齐食，十分惹味！推介！
第三道系川式椒盐虾，中虾炸到脆卜卜，可以连埋壳一齐食，送酒一流！
第四道系酸菜鱼，估唔到两个人佢都上咁大盆俾我地！鱼肉大大块兼无骨，仲要超级滑嫩，完全唔腥。汤有浓郁嘅鲜味，同埋酸菜超级夹，饮左好多碗都唔会厌，正！底下仲有好多粉丝，索晒汤底嘅精华，真系一流！
第五道系川式回锅肉，辣辣地几惹味。唯一美中不足嘅系部份腩片炒过火，有啲硬。
奉送的蒜蓉炒油麦菜，菜叶嫩绿新鲜，营养均衡。
四姐川菜整体的水准认真唔错！全晚座无虚席，下次黎会记得先订位！
张贴
